“இங்கே போதை போடாதீங்கப்பா…” நல்ல வார்த்தை சொன்ன 65 வயது பூசாரிக்கு நேர்ந்த கொடூரம்..! நள்ளிரவில் அரங்கேறிய திகில் சம்பவம்..!!

ஹரியானாவின் பரிதாபாத், செக்டார்-30 பைபாஸ் சாலையில் உள்ள கால்வாய் கரையில் அமைந்த கோயிலின் பூசாரி கொல்லப்பட்ட வழக்கைப் போலீசார் முடிவுக்குக் கொண்டுவந்துள்ளனர். இந்த வழக்கில் டி.எல்.எஃப் குற்றப்பிரிவு இரண்டு பேரைக் கைது செய்துள்ளது. பூசாரி, கோயிலுக்கு அருகே போதைப்பொருள் பயன்படுத்துவதைத் தடுத்ததால், ஆத்திரமடைந்த குற்றவாளிகள் அவரைத் தாக்கி, அரைக்கும் கல்லைத் தலையில் வீசியுள்ளனர். இதில் பலத்த காயமடைந்த அவர் உயிரிழந்தார்.

கொல்லப்பட்ட பூசாரி 65 வயதான ஓம்பிரகாஷ் என அடையாளம் காணப்பட்டுள்ளார். ஆகஸ்ட் 30 மற்றும் 31 ஆகிய தேதிகளுக்கு இடைப்பட்ட இரவில் செக்டார்-30 பைபாஸ் சாலையில் உள்ள கால்வாய் கரையோரப் பகுதியில் இந்தச் சம்பவம் நடந்துள்ளது. இது தொடர்பாக, இறந்த பூசாரியின் சகோதரர் மகனான அசோக் குமார் அளித்த புகாரின் பேரில் செக்டார்-31 காவல் நிலையத்தில் கொலை வழக்குப் பதிவு செய்யப்பட்டு விசாரணை நடத்தப்பட்டது.

விசாரணையில், உத்திரப் பிரதேசத்தைச் சேர்ந்த ஆசிஃப் என்ற டிடி (20) மற்றும் ராஜஸ்தானைச் சேர்ந்த ஆசிஃப் என்ற காளியா (34) ஆகிய இருவரைக் குற்றப்பிரிவு போலீசார் கைது செய்தனர். இவர்கள் பரிதாபாத்தின் கிசான் மஜ்தூர் காலனியில் வசித்துக்கொண்டு ஆட்டோ ஓட்டி வந்துள்ளனர். ஆகஸ்ட் 30 இரவு, இருவரும் தங்களது இரு நண்பர்களுடன் சேர்ந்து போதைப்பொருள் பயன்படுத்தியபோது, பூசாரி ஓம்பிரகாஷ் அவர்களைத் தடுத்து அங்கிருந்து போகச் சொல்லியுள்ளார். இதனால் பூசாரியைப் பின்தொடர்ந்து சென்று தாக்கிய குற்றவாளிகள், அவரது பொருட்களையும் பறித்துக்கொண்டு தப்பிச் சென்றுள்ளனர். தலைமறைவாக உள்ள மற்ற இருவரையும் போலீசார் தீவிரமாகத் தேடி வருகின்றனர்.