“என் லைஃப்லயே இப்படி ஆகும்னு நினைச்சுக் கூட பாக்கல..” விமானத்துக்குக் கீழே படுத்து கிடந்த பிரபல நடிகை… மணி கணக்கா வெயிட் பண்ண வச்சுட்டு கடைசியில கைவிட்ட அதிகாரிகள்..! வைரல் வீடியோ..!!

நவம்பர் 1 அன்று மும்பையிலிருந்து கோரக்பூர் செல்லவிருந்த ஸ்பைஸ் ஜெட் விமானம் பல மணி நேர தாமதத்திற்குப் பிறகு திடீரென ரத்து செய்யப்பட்டதால், பயணிகள் விமானத்தில் ஏறிய பின் மீண்டும் கீழே இறக்கிவிடப்பட்டனர். இந்த விசித்திரமான மற்றும் குழப்பமான சூழலை எதிர்கொண்ட நடிகர் விஜய் லட்சுமி மல்லையா, மும்பை விமான நிலையத்தின் விமான ஓடுதளத்தில் தான் படுத்திருக்கும் வீடியோவை சமூக வலைதளங்களில் பகிர்ந்துள்ளார். “என் வாழ்க்கையில் விமானத்திற்குக் கீழே இப்படி படுத்துக் கிடப்பேன் என்று நான் நினைத்துக் கூடப் பார்க்கவில்லை” என்று தனது அதிர்ச்சியை வெளிப்படுத்திய அவர், மற்ற பயணிகளுடன் விமான நிலைய தரையில் காத்திருந்த அந்த அவல நிலையை வீடியோவில் பதிவு செய்தார்.

விமானத்தில் ஏறி அனைத்து பாதுகாப்பு வழிமுறைகளையும் முடித்த பிறகும், விமானம் புறப்படாமல் தரைதட்டியே இருந்தது. சுமார் ஒரு மணி நேரம் உள்ளே காத்திருந்த பயணிகளிடம், இலக்கு விமான நிலையமான கோரக்பூரில் இயக்க நேரக் கட்டுப்பாடுகள் காரணமாக விமானம் ரத்து செய்யப்படுவதாக விமான நிறுவன ஊழியர்கள் தெரிவித்தனர். பணியாளர்களும் விமானியும் பயணிகளுக்கு எதையும் சரியாகத் தெரிவிக்காமல் அங்கிருந்து கிளம்பிச் சென்றதால் பயணிகள் பீதியடைந்ததாகவும், இது முற்றிலும் பொறுப்பற்ற செயல் என்றும் விஜய் லட்சுமி மல்லையா குற்றம்சாட்டினார்.

https://www.instagram.com/reel/DfPBBaFAEvM/?utm_source=ig_web_button_share_sheet

கோரக்பூரைச் சேர்ந்த தானும், பலமுறை இரவு நேர விமானங்களில் பயணித்துள்ளதாகவும் தெரிவித்த அவர், போர்டிங் முடிந்த பிறகு விமானத்தை காலி செய்யச் சொல்வது மிகவும் தவறு மற்றும் unprofessional ஆனது என்று கேள்வி எழுப்பினார். இதற்கிடையில், கோரக்பூர் விமான நிலையத்தின் செயல்பாட்டு நேரம் இரவு 9 மணிக்கு மேல் நீட்டிக்க முடியாததால் இந்த ரத்து நிகழ்ந்ததாக ஸ்பைஸ் ஜெட் நிறுவனம் விளக்கம் அளித்துள்ளது. மேலும், பாதிக்கப்பட்ட பயணிகளை அழைத்துச் செல்வதற்காக நவம்பர் 2 அன்று மாற்று விமான ஏற்பாடு செய்யப்பட்டதாகவும், ஏற்பட்ட சிரமத்திற்கு நிறுவனம் வருத்தம் தெரிவித்துள்ளதாகவும் அறிக்கையில் குறிப்பிட்டுள்ளது.