அம்மாடியோ.. நெஞ்செரிச்சல்னு போன பெண்.. உணவுக் குழாயில் உயிருடன் நெளிந்த ‘அந்த’ உயிரினம்.. டாக்டர்களுக்கே காத்திருந்த பேரதிர்ச்சி.. வைரலாகும் ஷாக்கிங் வீடியோ..!!

நெஞ்செரிச்சல் மற்றும் கடுமையான அசிடிட்டி அறிகுறிகளால் அவதிப்பட்டு வந்த பெண் ஒருவருக்கு, மருத்துவர்கள் பொது மயக்க மருந்து அளித்து எண்டோஸ்கோப்பி சோதனை செய்த போது, அவரது உணவுக் குழாயிலிருந்து நீளமான ஒட்டுண்ணிப் புழு ஒன்று உயிருடன் அகற்றப்பட்ட அதிர்ச்சியூட்டும் சம்பவம் வெளிச்சத்திற்கு வந்துள்ளது. ‘அஸ்காரிஸ் லம்பிரிகாய்டிஸ்’எனப்படும் இந்த உருளைப் புழுக்கள் சுமார் 35 சென்டிமீட்டர் நீளம் வரை வளரக்கூடியவை. அசுத்தமான மண், உணவு அல்லது நீர் ஆகியவற்றில் உள்ள இந்த ஒட்டுண்ணியின் நுண்சிறிய முட்டைகளைத் தற்செயலாக விழுங்குவதன் மூலமே மனிதர்கள் இந்தத் தொற்றால் பாதிக்கப்படுகின்றனர். உடலில் நுழையும் இந்த முட்டைகள் குடலில் பொரிந்து, இளம் புழுக்களாக மாறி, இரத்த ஓட்டத்தின் வழியாக நுரையீரலுக்குப் பயணம் செய்கின்றன.

நுரையீரலை அடையும் இந்தப் புழுக்கள் அங்கிருந்து இருமல் மூலம் தொண்டைக்குள் வருகின்றன. பின்னர் அவை மீண்டும் விழுங்கப்பட்டு, வயிறு வழியாகச் சென்று இறுதியாகச் சிறுகுடலில் நிலைபெற்று முழு வளர்ச்சியடைந்த முதிர்ந்த புழுக்களாக மாறுகின்றன. பொதுவாக இந்த முதிர்ந்த புழுக்கள் சிறுகுடலிலேயே தங்கியிருக்கும். ஆனால், சில அரிய மற்றும் தீவிரமான சூழ்நிலைகளில், அவை மேல்நோக்கி நகர்ந்து வயிறு அல்லது உணவுக் குழாய்ப் பகுதிக்கு வந்து விடுகின்றன. இவ்வாறு புழுக்கள் உணவுக் குழாய்க்குள் நுழைவதாலேயே நெஞ்சில் கடுமையான எரிச்சல் மற்றும் வலி போன்ற அறிகுறிகள் ஏற்படுகின்றன. இதனைத் தொடர்ந்து மருத்துவர்கள் எண்டோஸ்கோப்பி சிகிச்சை முறை மூலம் அந்தப் புழுவை வெளியேற்றுகின்றனர்.