“போரின் கொடூர முகம்..” பசியை போக்க மண்ணையும் மணலையும் தின்னும் அவலம்.. மரணத்தின் விளிம்பில் லட்சக்கணக்கான குழந்தைகள்.. உலக நாடுகளை உலுக்கும் வீடியோ..!!

சூடானில் உள்நாட்டுப் போர் மற்றும் வறுமையின் காரணமாக பசி, பட்டினி நிலமை மிகவும் கொடூரமாக மாறியுள்ளதால், மக்கள் தங்களது வயிற்றை நிரப்ப மண்ணையும் மணலையும் தின்னும் அவல நிலைக்குத் தள்ளப்பட்டுள்ளனர். மனிதர்களிடம் ஆயுதங்களை வாங்குவதற்கும் போரிடுவதற்கும் அரசிடமும் பல்வேறு அமைப்புகளிடமும் பணம் இருக்கிறது; ஆனால், பசியால் வாடும் அப்பாவி மக்களின் வயிற்றுக்கு உணவு கொண்டு சேர்ப்பதற்கு யாரிடமும் பணம் இல்லை என்ற அதிர்ச்சியூட்டும் நிதர்சனம் வெளிப்பட்டுள்ளது. எந்தவொரு போரிலும் அதன் மிக மோசமான மற்றும் கொடூரமான விலையை எப்போதும் அங்கு வாழும் சாதாரண பொதுமக்களும், மாசற்ற பச்சிளம் குழந்தைகளுமே தங்களது உயிர்களைக் கொடுத்துச் செலுத்த வேண்டியுள்ளது.

ஐக்கிய நாடுகள் சபை மற்றும் உலக உணவுத் திட்டம் போன்ற சர்வதேச அமைப்புகள் சூடானில் நிலவும் இந்த பஞ்ச நிலையை மனிதகுலத்தின் மிகப்பெரிய பேரழிவு என்று எச்சரித்துள்ளன. போர் காரணமாக உணவு விநியோகம் முற்றிலும் தடைபட்டுள்ளதால், லட்சக்கணக்கான குழந்தைகள் கடுமையான ஊட்டச்சத்து குறைபாட்டால் மரணத்தின் விளிம்பில் உள்ளனர். உலக நாடுகள் உடனடியாகத் தலையிட்டு போரை நிறுத்துவதோடு, பசியால் தவிக்கும் சூடான் மக்களுக்கு அவசர கால உணவு மற்றும் மருத்துவ உதவிகளை வழங்காவிட்டால், மனித வரலாற்றிலேயே மிகப்பெரிய பட்டினிச் சாவுகளைச் சூடான் சந்திக்க நேரிடும் என்று சமூக ஆர்வலர்கள் கவலை தெரிவித்து வருகின்றனர்.