“ஒரே ஒரு எழுத்து.. தலையெழுத்தையே மாத்திருச்சி…! டெல்லி வரை போயும் கிடைக்காத நீதி… பெண்ணின் மொத்த வாழ்க்கையையும் சுக்குநூறாக்கிய சிஸ்டம்..!!”

உத்தரப் பிரதேச மாநிலம் ஷாம்லியைச் சேர்ந்த 24 வயது பாத்திமா என்ற இளம் பெண், தனது அடையாள அட்டையில் ஏற்பட்ட ஒரு சிறிய தொழில்நுட்பத் தவறால் கடந்த பல ஆண்டுகளாகக் கடும் இன்னல்களை எதிர்கொண்டு வருகிறார். கடந்த 2015-ஆம் ஆண்டு தனது பிறந்த தேதியைத் திருத்தம் செய்யச் சென்றபோது, அந்த மையத்தின் ஆபரேட்டர் தவறுதலாக அவரது பாலினப் பிரிவில் “ஆண்” என்று குறிப்பிட்டுவிட்டார். இதனால் கிராம மட்டம் தொடங்கி மாவட்ட நிர்வாகம் மற்றும் டெல்லி வரை உள்ள பல்வேறு அலுவலகங்களுக்குச் சென்று பாத்திமா முறையிட்டும், இந்த பிழையைத் திருத்த ஒருமுறை மட்டுமே வாய்ப்பு வழங்கப்படும் என்ற தன்னிச்சையான விதியைக் காரணம் காட்டி அதிகாரிகள் அவரது கோரிக்கையைத் தொடர்ந்து நிராகரித்து வந்துள்ளனர்.

முறையற்ற அரசாங்க ஆவணங்களால் உயர்கல்வி பெற முடியாமலும், வேலைவாய்ப்பு மற்றும் இதர அத்தியாவசியப் பணிகளை மேற்கொள்ள முடியாமலும் பாத்திமாவின் ஒட்டுமொத்த எதிர்காலமும் ஸ்தம்பித்துப் போய் முடங்கியுள்ளது. அரசாங்கத் தரப்பில் நடந்த தொழில்நுட்பக் கோளாறுக்குச் சாமானிய பொதுமக்கள் பொறுப்பேற்க முடியாது என்ற அடிப்படை நியாயம்கூட மறுக்கப்படும் இந்த அவல நிலை, அதிகார வர்க்கத்தின் அலட்சியப் போக்கால் சாமானிய மக்களின் வாழ்க்கை எந்தளவுக்குப் பாதிக்கப்படுகிறது என்பதற்குச் சான்றாக அமைந்துள்ளது.

தற்போது வரை தனது பிழையைத் திருத்தக் கோரி தொடர்ந்து போராடி வரும் பாத்திமாவுக்கு உரிய நீதி கிடைக்குமா என்ற கேள்விக்குரிய சூழல் நிலவி வருகிறது. எனவே, இதுபோன்ற நிர்வாகக் குளறுபடிகளால் பாதிக்கப்படும் எளிய மக்களின் நலனைக் கருத்தில் கொண்டு, அரசு உடனடியாகச் சிறப்புத் தளர்வுகளை அறிவித்து இந்தச் சிக்கலுக்குத் தீர்வு காண வேண்டும் என்பதே சமூக ஆர்வலர்களின் முக்கியக் கோரிக்கையாக உள்ளது.