இரவோடு இரவாக அதிரடி..! அரசு வழக்கறிஞர் நியமனத்திற்கு ரூ.15 லட்சம் லஞ்சப் பேரம்… தவெக நிர்வாகி அனீஸ் அதிரடி நீக்கம்..!!

கன்னியாகுமரி மாவட்டத் தமிழக வெற்றி கழக செயற்குழு உறுப்பினர் அனீஸ், அரசு வழக்கறிஞர் நியமனத்திற்காக ரூ.15 லட்சம் லஞ்சப் பேரம் பேசியதாக ஆடியோ ஒன்று வெளியாகி பெரும் சர்ச்சையை ஏற்படுத்தியது. இந்த விவகாரம் சமூக வலைதளங்களிலும் அரசியல் வட்டாரத்திலும் வேகமாகப் பரவி, கட்சிக்கு பெரும் தர்மசங்கடத்தை உருவாக்கியது.

இதனைத் தொடர்ந்து, கட்சியின் கட்டுப்பாட்டை மீறியும், கட்சிக்குப் புகழீனத்தை ஏற்படுத்தும் வகையிலும் செயல்பட்டதாகக் கூறி, அனீஸைக் கட்சிப் பொறுப்பிலிருந்தும் அடிப்படை உறுப்பினர் தகுதியிலிருந்தும் நீக்கித் தமிழக வெற்றி கழகத் தலைமை அதிரடி நடவடிக்கை எடுத்துள்ளது. லஞ்சப் புகாரில் சிக்கிய நபர் மீது உடனடியாக நடவடிக்கை எடுக்கப்பட்டிருப்பது அக்கட்சியினரிடையே பெரும் பரபரப்பை ஏற்படுத்தியுள்ளது.

அரசியல் களத்தில் ஒழுக்கமும் தூய்மையும் முக்கியம் என்பதை வலியுறுத்தும் வகையில் இந்த நீக்கம் அமைந்துள்ளதாக அரசியல் நோக்கர்கள் கருதுகின்றனர். கட்சித் தலைமை எடுத்த இந்த உடனடி நடவடிக்கை, கட்சியின் மீதான நம்பகத்தன்மையைக் காக்கும் முயற்சியாகப் பார்க்கப்படுகிறது.