“ஒரே வீட்டில் 2 சிலிண்டர் கனெக்ஷனா…?” மத்திய அரசின் புதிய விதியால் எல்பிஜி வாடிக்கையாளர்களுக்கு அதிரடி செக்…. முழு விவரம் இதோ…!!

மத்திய அரசின் தற்போதைய எரிவாயு விநியோக விதிகளின்படி, ஒரு குடும்பத்திற்கு ஒரே ஒரு எல்பிஜி (LPG) இணைப்பு மட்டுமே வழங்க அனுமதி உண்டு. இருப்பினும், ஒரே கணக்கின்கீழ் மாற்று சிலிண்டரை முன்பதிவு செய்து பயன்படுத்திக் கொள்ளும் ‘இரட்டை சிலிண்டர் இணைப்பு’ (DBC) முறைக்கு வழிவகை செய்யப்பட்டுள்ளது.

பொதுவாக ஒரே கூரையின் கீழ் வாழும் குடும்பத்தினருக்குத் தனித்தனி எரிவாயு கணக்குகள் தரப்படுவதில்லை என்றாலும், முகவரிச் சான்று, முறையான கேஒய்சி (KYC) ஆவணங்கள் மற்றும் தனிச்சமையலறை போன்ற விபரங்களை முகவர்கள் நேரடியாக ஆய்வு செய்து ஒப்புதல் அளித்தால் புதிய இணைப்பைப் பெற முடியும். அவ்வாறின்றி விதிகளுக்குப் புறம்பாக ஒரே முகவரியில் ஒன்றுக்கு மேற்பட்ட எல்பிஜி இணைப்புகள் இருப்பது கண்டறியப்பட்டால், அவை உடனடியாக ரத்து செய்யப் பரிந்துரைக்கப்படும்.

ஹிந்துஸ்தான் பெட்ரோலியம் நிறுவனத்தின் சமீபத்திய ‘எரிவாயு கட்டுப்பாட்டு உத்தரவு’ திருத்தத்தின்படி, பெற்றோர் மற்றும் திருமணமான பிள்ளைகள் ஒரே சமையலறையைப் பகிர்ந்து கொள்ளும்போது ஒன்றுக்கும் மேற்பட்ட தனித்தனி இணைப்புகளை வைத்திருப்பது முற்றிலுமாகத் தடை செய்யப்பட்டுள்ளது.

ஒரே வீட்டில் கூடுதல் இணைப்புகள் முடங்குவதால், புதிய சிலிண்டர் தேவைப்படும் பிற ஏழைக் குடும்பங்கள் பாதிக்கப்படுவதாக அரசு சுட்டிக்காட்டியுள்ளது. எனவே, ஒரே வீட்டில் வசித்துக்கொண்டு தனித்தனியாகச் சமைப்பவர்கள் மட்டுமே சட்டப்பூர்வமாக இரண்டு இணைப்புகளை வைத்திருக்க முடியும். மற்றவர்கள் தங்களின் கூடுதல் இணைப்பைக் கைவிட்டு, அதற்குப் பதிலாக தடையற்ற பயன்பாட்டிற்குத் தங்களின் தற்போதைய கணக்கையே இரட்டை சிலிண்டர் (DBC) வசதியாக மாற்றிக் கொள்ளுமாறு அறிவுறுத்தப்படுகிறார்கள்.