கர்ப்பிணி மனைவியின் மர்ம மரணம்… தேடி வந்த கணவனும் பிணமாகக் கிடந்த பேரதிர்ச்சி! பின்னணியில் என்ன நடந்தது?..!!

கேரள மாநிலம் ஆலப்புழா பகுதியைச் சேர்ந்த சானு குட்டன் மற்றும் ஹரிஷ்மா தம்பதியினருக்குத் திருமணமாகி நான்கு மாதங்கள் மட்டுமே ஆன நிலையில், அவர்களின் வாழ்வில் ஒரு பெரும் துயரம் நிகழ்ந்துள்ளது. திருமணத்திற்குப் பிறகு சுமார் மூன்று மாதங்கள் மனைவியுடன் மகிழ்ச்சியாக வாழ்ந்த சானு குட்டன், தனது பணிக்காக தோஹா நாட்டிற்குச் சென்றுவிட்டார். இதற்கிடையே, மாவேலிக்கரையில் வசித்து வந்த கர்ப்பிணியான ஹரிஷ்மா, யாரும் எதிர்பாராத விதமாகத் தனது வீட்டில் திடீரெனத் தூக்கிட்டுத் தற்கொலை செய்து கொண்டார்.

தனது மனைவியின் மரணச் செய்தியைக் கேட்டு வெளிநாட்டில் பெரும் அதிர்ச்சிக்குள்ளான சானு குட்டன், உடனடியாக கேரளா திரும்ப முடிவு செய்தார். இதற்காக விமானம் மூலம் பெங்களூரு வந்த அவர், அங்கிருந்து கொச்சி நெடும்பாசேரி செல்வதாக உறவினர்களிடம் கூறியிருந்தார். ஆனால், அவர் வர வேண்டிய நேரத்திற்கு வராததால் சந்தேகம் அடைந்தவர்கள் தேடியபோது, பெங்களூருவில் உள்ள ஒரு தங்கும் விடுதியில் மனைவியை இழந்த துக்கம் தாளாமல் சானு குட்டனும் தனது உயிரை மாய்த்துக் கொண்டது கண்டுபிடிக்கப்பட்டது.

திருமணமாகி சில மாதங்களிலேயே கணவன், மனைவி மற்றும் பிறக்கவிருந்த குழந்தை என ஒரு குடும்பமே அடுத்தடுத்து அழிந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. சானு குட்டன் தனது மனைவியின் இறப்பால் ஏற்பட்ட மன உளைச்சலில் தற்கொலை செய்து கொண்டது விசாரணையில் உறுதியாகியுள்ளது. அதேவேளையில், நிறைமாதக் கர்ப்பிணியான ஹரிஷ்மா எதற்காக இந்த விபரீத முடிவை எடுத்தார் என்பதற்கான காரணம் இதுவரை தெளிவாகத் தெரியவில்லை. இந்த மர்ம மரணம் குறித்து காவல்துறையினர் வழக்குப்பதிவு செய்து தீவிரமாக விசாரித்து வருகின்றனர்.