பகீர்..! நெடுஞ்சாலைத்துறை ஊழல் டூ உச்சநீதிமன்றம்.. எ.வ.வேலுவை தவெக அரசு விடாமல் துரத்துவது ஏன்..? அந்த பழைய பகை தான் காரணம்… பின்னணியில் ஆதவ் அர்ஜுனா…!!

முன்னாள் திமுக அமைச்சர் எ.வ.வேலுவுக்கு எதிராக தவெக அரசு எடுத்து வரும் தீவிர சட்ட நடவடிக்கைகள் தமிழக அரசியலில் பெரும் விவாதத்தை ஏற்படுத்தியுள்ளன. நெடுஞ்சாலைத் துறை ஊழல் புகாரில் எ.வ.வேலுவுக்கு எதிராகப் பிறப்பிக்கப்பட்ட லுக் அவுட் நோட்டீசுக்கு சென்னை உயர்நீதிமன்றம் இடைக்காலத் தடை விதித்தது. இந்தத் தடையை எதிர்த்து தவெக அரசு தற்போது உச்சநீதிமன்றத்தை நாடியுள்ளதுடன், வழக்கை அவசரமாக விசாரிக்கக் கோரியும் வலியுறுத்தியுள்ளது.

எ.வ.வேலுவை தவெக அரசு இந்த அளவுக்குத் தீவிரமாகக் குறிவைப்பதற்குக் கடந்த கால தனிப்பட்ட அரசியல் பகையே காரணம் என்று அரசியல் வட்டாரங்களில் பேசப்படுகிறது. தற்போதைய தவெக அரசின் பொதுப்பணி மற்றும் விளையாட்டுத்துறை அமைச்சராக இருக்கும் ஆதவ் அர்ஜுனா, முன்பு திமுகவின் தேர்தல் வியூக அணியில் நெருக்கமாகப் பணியாற்றியவர். 2024 மக்களவைத் தேர்தலில் திமுக சார்பில் போட்டியிட அவர் முயன்றபோது, அதற்கு மூத்த தலைவரான எ.வ.வேலு முட்டுக்கட்டையாக இருந்ததாகக் கூறப்படுகிறது. இதனால் திமுகவிலிருந்து விலகிய ஆதவ் அர்ஜுனா, தவெகவில் இணைந்து அக்கட்சியின் வெற்றிக்கும், தேர்தல் வியூகங்களுக்கும் முக்கியப் பங்காற்றினார்.

திமுக ஆட்சியில் எ.வ.வேலு கவனித்து வந்த அதே பொதுப்பணித் துறையைத் தற்போது ஆதவ் அர்ஜுனா நிர்வகித்து வருவது அரசியல் ரீதியாக உற்றுநோக்கப்படுகிறது. இதன் காரணமாகவே பழைய அரசியல் முரண்பாடுகளை மனதில் வைத்து இந்த நடவடிக்கைகள் பாய்வதாக விமர்சகர்கள் கருதினாலும், அதிகாரப்பூர்வமாக இது சட்டரீதியான ஆதாரங்களின் அடிப்படையிலேயே நடப்பதாகத் தெரிவிக்கப்பட்டுள்ளது. இந்த விவகாரத்தின் உண்மைத் தன்மை உச்சநீதிமன்றத்தின் அடுத்தகட்ட விசாரணையின் மூலமே முழுமையாகத் தெரியவரும்.