CINEMA
“சார் நம்ம ஒரு குடும்பம்.. இதுக்கு போய் ஏன் சீரியஸா ரிப்ளை பண்ணுறீங்க?” வெங்கட் பிரபுவுக்கு SK கொடுத்த நெகிழ்ச்சி பதில்..!!
இயக்குநர் வெங்கட் பிரபு மற்றும் நடிகர் சிவகார்த்திகேயன் கூட்டணி குறித்து சமூக வலைத்தளங்களில் பல்வேறு ஊகங்கள் பரவி வந்த நிலையில், அதற்கு விளக்கமளித்த வெங்கட் பிரபுவிற்கு நடிகர் சிவகார்த்திகேயன் நெகிழ்ச்சியுடன் பதிலளித்துள்ளார்.
அதில் சிவகார்த்திகேயன், “சார் நம்ம ஒரு குடும்பம். இதுக்கு போய் நீங்க சீரியஸா ரிப்ளை பண்ணிட்டு இருக்கீங்க. வாழ்த்துக்கு நன்றி. உங்களின் அடுத்த படத்திற்கு வாழ்த்துகள்” என்று குறிப்பிட்டுள்ளார். மேலும், “நான் இதை முன்பே கூறி இருக்கிறேன். இருந்தாலும் இப்போது சொல்கிறேன். நான் எப்போதுமே வெங்கட் பிரபுவின் ரசிகன். உங்களுடன் பணியாற்ற காத்திருக்கிறேன்” என அவர் பதிவிட்டுள்ளார்.
இவர்கள் இருவரைப் பற்றிய வதந்திகளுக்கு முற்றுப்புள்ளி வைக்கும் விதமாகவும், தங்களுக்குள் இருக்கும் இணக்கமான நட்புறவை வெளிப்படுத்தும் விதமாகவும் இந்தத் தகவல் அமைந்துள்ளது. சிவகார்த்திகேயனின் இந்த அன்பான பதில், அவர் வெங்கட் பிரபுவின் தீவிர ரசிகர் என்பதை மீண்டும் உறுதிப்படுத்தியதோடு, எதிர்காலத்தில் இவர்களது கூட்டணியில் ஒரு படம் வெளியாகும் என்ற எதிர்பார்ப்பையும் ரசிகர்கள் மத்தியில் தூண்டியுள்ளது.
