“அடேங்கப்பா… ரெண்டரை வருஷத்துல ரூ.94,000 சம்பளமா..?! எந்த எக்ஸாம் எழுதி இந்த வேலைக்கு போனீங்க மேடம்…?” அரசு வங்கி பெண்ணின் சம்பளத்தைப் பார்த்து ஷாக்கான நெட்டிசன்கள்..! வைரல் வீடியோ..!!!

சமீபகாலமாக சமூக வலைதளங்களில் அரசு வங்கி அதிகாரி ஒருவரின் வீடியோ மிகவேகமாக வைரலாகி வருகிறது. 27 வயதே ஆன ஆஸ்தா என்ற அந்த இளம் பெண் அதிகாரி, இன்ஸ்டாகிராமில் வெளியிட்டுள்ள வீடியோவில் தங்களின் வெற்றிக் கதையையும் வருமானத்தையும் வெளிப்படுத்தியுள்ளார். அரசு வங்கியில் சேர்ந்து வெறும் இரண்டரை ஆண்டுகள் மட்டுமே முடிவடைந்துள்ள நிலையில், அவரது மொத்த மாதாந்திர சம்பளம் சுமார் ரூ.94,000 எட்டியுள்ளது. இது தவிர, தேசிய ஓய்வூதியத் திட்டத்திற்காக அவர் மாதம்தோறும் சுமார் ரூ.14,000 பங்களிப்பு செய்து வருகிறார்.

அரசு வங்கியில் பணியாற்றும் இவருக்கு சம்பளத்தைத் தவிர பல்வேறு சிறப்பான சலுகைகளும் படிகளும் வழங்கி ஊக்குவிக்கப்படுகின்றன. அலுவலகப் பயணம் மற்றும் தனிப்பட்ட தேவைகளுக்கான பெட்ரோல் செலவு, நாளிதழ், மொபைல் மற்றும் பிராட்பேண்ட் கட்டணங்கள், அத்துடன் குடும்பத்தின் மருத்துவச் செலவுகள் மற்றும் பொழுதுபோக்குக்கான தனிப் படிகள் எனப் பல நன்மைகள் கிடைக்கின்றன. இந்த அனைத்து கூடுதல் சலுகைகளையும் சேர்த்தால், இவருடைய வருடத்தின் மொத்த பேக்கேஜ் சுமார் ரூ.12 லட்சத்தை அடைகிறது. இந்த வீடியோ வெளியானதைத் தொடர்ந்து, அவர் எந்தத் தேர்வை எழுதி தேர்ச்சி பெற்றார் என்றும் பிற படிகள் இதில் அடங்குமா என்றும் நெட்டிசன்கள் பல கேள்விகளை எழுப்பி கருத்து தெரிவித்து வருகின்றனர்.

https://www.instagram.com/reel/Dcv5fzXhsoX/?utm_source=ig_web_button_share_sheet

இந்தியாவில் இன்றும் அரசு வேலைகள்தான் மிகவும் பாதுகாப்பான மற்றும் மதிப்புமிக்க வாழ்க்கைப் பாதையாகக் கருதப்படுகின்றன. குறிப்பாக எஸ்பிஐ, பிஎன்பி போன்ற தேசியமயமாக்கப்பட்ட வங்கிகளில் புரொபேஷனரி ஆபீசர் அல்லது கிளார்க் பதவிகளில் பணியாற்றுவது பெருமைக்குரிய ஒன்றாகப் பார்க்கப்படுகிறது. ஈர்க்கக்கூடிய ஊதியம், சிறந்த பணி-வாழ்க்கை சமநிலை, சமுதாயத்தில் தனி மரியாதை மற்றும் எதிர்காலத்திற்கான முழுப் பாதுகாப்பு ஆகிய காரணங்களால், IBPS மற்றும் RBI தேர்வுகளுக்காக ஒவ்வொரு ஆண்டும் லட்சக்கணக்கான இளைஞர்கள் தீவிரமாகப் படித்து ஆயத்தமாகி வருகின்றனர்.