“ஐயோ காப்பாத்துங்க…” அலறியும் விடாத போதை அரக்கன்… 50 ரூபாய்க்காக பெற்ற தந்தையை கோடாரியால் வெட்டிச் சாய்த்த மகன்… நெஞ்சை நடுநடுங்க வைக்கும் கொடூரம்..!!

பீகார் மாநிலம் சமஸ்திபூர் மாவட்டத்தில் உள்ள மோகன்பூர் மாநகராட்சி பகுதிக்கு உட்பட்ட வார்டு எண் 39-இல் ஒரு பரபரப்பான சம்பவம் நடந்துள்ளது. போதை பழக்கத்திற்கு அடிமையான 20 வயது இளைஞன் ஒருவன் தன் தந்தையை மண்வெட்டி மற்றும் கோடாரியால் தாக்கி கொலை செய்துள்ளான். மேலும் தடுக்க வந்த தாயையும் படுகாயப்படுத்தியுள்ளான். தாக்குதலுக்குள்ளான தந்தை சிகிச்சைக்காக மருத்துவமனைக்குக் கொண்டு செல்லும் வழியிலேயே பரிதாபமாக உயிரிழந்தார். இந்தச் சம்பவத்தால் அந்த பகுதியில் பெரும் பரபரப்பும் அச்சமும் நிலவி வருகிறது.

உயிரிழந்தவர் 55 வயதான முகமது இஸ்லாம் என அடையாளம் காணப்பட்டுள்ளார். காயமடைந்த தாய் மொமினா காதுன் ஆவார். இந்தத் தாக்குதலை நடத்தியவர் அவர்களின் 20 வயது மகனான முகமது அர்மான் எனத் தெரியவந்துள்ளது. அர்மான் போதை பழக்கத்திற்கு அடிமையானவர் என்றும், தனது போதைத் தேவையைப் பூர்த்தி செய்யப் பெற்றோரிடம் பணம் கேட்டுத் தகராறு செய்து வந்துள்ளார் என்றும் கூறப்படுகிறது. பெற்றோர் அவனுக்கு ரூ.50 மட்டுமே கொடுத்ததால், ஆத்திரமடைந்த அர்மான் வீட்டிலிருந்த மண்வெட்டி மற்றும் கோடாரியைக் கொண்டு இருவர் மீதும் அடுத்தடுத்துக் கொடூரமாகத் தாக்குதல் நடத்தியுள்ளான். படுகாயமடைந்த தந்தையை மீட்டு சிகிச்சைக்காகக் பாட்னா பிஎம்சிஎச் மருத்துவமனைக்குக் கொண்டு சென்றபோது வழியிலேயே அவர் உயிரிழந்தார். காயமடைந்த தாய்க்குத் தொடர்ந்து சிகிச்சை அளிக்கப்பட்டு வருகிறது.

சம்பவம் குறித்துத் தகவல் அறிந்ததும் முபசில் காவல் நிலையப் போலீசாரும், தடம் அறிவியல் நிபுணர்கள் குழுவும் சம்பவ இடத்திற்கு விரைந்து வந்து தடயங்களைச் சேகரித்து விசாரணை மேற்கொண்டு வருகின்றனர். இச்சம்பவம் தொடர்பாகச் சதர் எஸ்டிபிஓ-1 பொறுப்பு அதிகாரி துர்கேஷ் தீபக் தெரிவிக்கையில், குற்றஞ்சாட்டப்பட்ட மகன் முகமது அர்மானைப் போலீசார் கைது செய்துள்ளதாகவும், இந்த கொடூர சம்பவத்திற்குப் பின்னணியில் உள்ள உண்மையான காரணியைக் கண்டறியத் தொடர்ந்து தீவிர விசாரணை நடத்தப்பட்டு வருவதாகவும் தெரிவித்துள்ளார்.