ஐயோ கடவுளே.. கண்முன்னே துடிதுடித்த தந்தை.. காருக்குப் பின்னால் ஒளிந்து உயிர் தப்பிய IIT மகன்.. 16 தோட்டாக்களை இறக்கிய பக்கத்து வீட்டுக்காரர்.. நடுங்கவிக்கும் பின்னணி..!!

உத்தரப் பிரதேசத்தின் ஃபரிதாபாத் செக்டர் 21C பகுதியில், தீபாவளி பண்டிகைக் கொண்டாட்டத்திற்காகச் சிங்கப்பூரிலிருந்து வந்திருந்த மென்பொருள் நிறுவன தலைமைச் செயல் அதிகாரி பரம்ஜீத் தன்காட் (45) என்பவர், அவரது பக்கத்து வீட்டுக்காரரால் சுட்டுக் கொல்லப்பட்டார். டெக் மஹிந்திராவின் முன்னாள் ஆசியத் தலைவரான பரம்ஜீத், நான்கு மாத நாய்க்குட்டியின் கழிப்பறை மற்றும் கார் நிறுத்துமிடம் தொடர்பான ஒரு சிறிய தகராறு காரணமாகக் கொடூரமாகக் கொலை செய்யப்பட்டுள்ளார். கடற்படை கௌரவ லெப்டினன்ட்டின் ஒரே மகனான இவருக்குத் தீக்ஷா என்ற மனைவியும், ஐஐடி மாணவரான ஷௌர்யா (18) என்ற மகனும், ஒரு மகளும் உள்ளனர்.

கடந்த சில மாதங்களாகவே பக்கத்து வீட்டில் வசிக்கும் மோகன் ஷர்மா என்பவருக்கும் பரம்ஜீத் குடும்பத்திற்கும் இடையே நாய் மற்றும் வாகன நிறுத்துமிடம் தொடர்பாகச் சண்டைகள் நடந்து வந்தன. சம்பவத்தன்று தன்தேரஸ் பண்டிகை பிற்பகலில், சேதமடைந்த கேட்டைச் சரி செய்யக் கோரி இருதரப்பிற்கும் மோதல் ஏற்பட்டு, அங்கிர் காவல் நிலையத்தில் சமரசம் பேசி அனுப்பப்பட்டனர். ஆனால், அன்று மாலை 8:30 மணியளவில் மோகன் ஷர்மா, பரம்ஜீத்தை அடுக்குமாடிக் குடியிருப்பின் கீழே அழைத்து, “விளையாட்டாக ஒரு விதவையைப் பார்த்திருக்கிறாயா?” என்று கூறித் தனது பையிலிருந்து கைத்துப்பாக்கியை எடுத்து கண்மூடித்தனமாகச் சுட்டுள்ளார்.

குற்றம் சாட்டப்பட்டவர் இரண்டு கைத்துப்பாக்கிகள் மூலம் 15 முதல் 16 முறை சுட்டதில், 8 முதல் 9 குண்டுகள் பரம்ஜீத் மீது பாய்ந்து அவர் சம்பவ இடத்திலேயே உயிரிழந்தார். அவரது மகன் ஷௌர்யா மீதும் 3 முறை துப்பாக்கிச் சூடு நடத்தப்பட்ட நிலையில், அவர் காருக்குப் பின்னால் ஒளிந்து உயிர் தப்பினார். இச்சம்பவம் குறித்துச் சூரஜ்குண்ட் போலீசார் வழக்குப் பதிவு செய்து, முக்கியக் குற்றவாளியான பழைய இரும்பு வியாபாரி மோகன் ஷர்மாவைக் கைது செய்துள்ளனர்; அவரிடமிருந்து 2 உரிமம் பெற்ற துப்பாக்கிகள் மற்றும் 100 தோட்டாக்கள் பறிமுதல் செய்யப்பட்டுள்ளன. எனினும், இந்தச் சதியில் தொடர்புடைய அவரது மனைவி திவ்யா, மகன் மயங்க் உள்ளிட்ட குடும்பத்தினர் இன்னும் தலைமறைவாக உள்ளனர்.