“என் மகனை தூக்குல போடுங்க” இல்லாவிட்டால் தீக்குளிப்பேன்… பல பெண்களை சீரழிச்சிட்டான்.. பாலியல் வழக்கில் தேடப்படும் முன்னாள் போலீசின் தாய் பகீர் கண்ணீர்..!!

மகாராஷ்டிர மாநிலம் பிவாண்டியில் பதிவான பாலியல் வன்கொடுமை வழக்கில், பணியில் இருந்து பணிநீக்கம் செய்யப்பட்ட முன்னாள் காவலரான சைலேஷ் பாட்டீல் முக்கிய குற்றவாளியாகச் சேர்க்கப்பட்டு தேடப்பட்டு வருகிறார். இந்நிலையில்தான், அவரது சொந்தத் தாயாரான சுலோச்சனா பாட்டீல், தனது மகனின் கொடூரமான செயல்களை வெளிப்படுத்தி, “என் மகனைத் தூக்கிலிட வேண்டும்” என்று பகீர் குற்றச்சாட்டுகளை முன்வைத்துள்ளார்.

தாயார் சுலோச்சனா அளித்த வாக்குமூலத்தில், தனது மகன் பண ஆசைக்காகவும், குடும்பச் சொத்துக்களைத் தன் பெயருக்கு எழுதிக் கேட்பதற்காகவும் தன்னைத் தொடர்ந்து அடித்துத் துன்புறுத்தியதாகக் தெரிவித்துள்ளார். தலையில் துப்பாக்கியை வைத்துப் மிரட்டி சொத்துக்களைப் பறித்துக் கொண்டதாகவும், அவனது கொடுமை தாங்காமல் தற்போது மகளின் வீட்டில்தான் தான் வசித்து வருவதாகவும் அவர் வேதனையுடன் கூறியுள்ளார்.

மேலும், தனது மகன் பல பெண்களின் வாழ்க்கையைச் சீரழித்துள்ளதாகவும், மூத்த காவல்துறை அதிகாரிகளின் ஆதரவு இருந்ததால் அவனது ஆட்டம் அதிகரித்ததாகவும் சுலோச்சனா குற்றம்சாட்டியுள்ளார். பாரதிய ஜனதா கட்சியின் முன்னாள் எம்.எல்.ஏ நரேந்திர பவார் மற்றும் சைலேஷ் பாட்டீல் இருவர் மீதும் வழக்குப்பதிவு செய்யப்பட்டுள்ள நிலையில், தனது மகனுக்குக் கடுமையான தூக்குத் தண்டனை மட்டுமே கிடைக்க வேண்டும் என்றும், நீதி கிடைக்காவிட்டால் தான் தீக்குளிப்பேன் என்றும் அந்தத் தாய் ஆவேசமாகத் தெரிவித்துள்ளார்.