எடப்பாடிக்கு அடுத்த ஷாக்… முதலமைச்சர் விஜய் முன்னிலையில் இன்று தவெகவில் இணையும் மிக முக்கிய புள்ளி… அதிர்ச்சியில் அதிமுக..!!

அதிமுக முன்னாள் அமைச்சர் செம்மலை, தாராபுரத்தில் இன்று நடைபெறவுள்ள பிரம்மாண்ட தேர்தல் பரப்புரைக் கூட்டத்தில் தமிழக வெற்றிக் கழகத் தலைவரும் முதலமைச்சருமான விஜய் முன்னிலையில் அக்கட்சியில் இணைய உள்ளதாகப் பரபரப்புத் தகவல்கள் வெளியாகியுள்ளன. கடந்த சட்டமன்றப் பொதுத் தேர்தலுக்குப் பிறகு அதிமுகவில் ஏற்பட்ட தொடர் பிளவுகள் மற்றும் உட்கட்சிப் பூசல்கள் காரணமாக, இவர் கடந்த மே மாதம் அதிமுகவின் அனைத்துப் பொறுப்புகளிலிருந்தும், அடிப்படை உறுப்பினர் தகுதியிலிருந்தும் விலகினார் என்பது குறிப்பிடத்தக்கது.

தற்போது தவெகவில் மிக முக்கியப் பொறுப்பில் இருக்கும் அமைச்சர் கே.ஏ.எஸ் என்பவரின் தீவிர ஏற்பாட்டின் பேரில், செம்மலை தவெகவில் இணைவதற்கான அனைத்துப் பேச்சுவார்த்தைகளும் சுமுகமாக முடிவடைந்துள்ளதாகக் கூறப்படுகிறது. தாரபுரத்தில் நாளை முதலமைச்சர் விஜய் மேற்கொள்ளவிருக்கும் இடைத்தேர்தல் பரப்புரையின் போது இந்த அதிகாரப்பூர்வ இணைப்பு நிகழ வாய்ப்புள்ளதாக அரசியல் வட்டாரங்கள் தெரிவிக்கின்றன.

அதிமுகவில் நீண்ட கால அனுபவம் கொண்ட மூத்த தலைவரான செம்மலை, தற்பொழுது தவெகவில் இணைந்தால், கொங்கு மண்டலத்திலிருந்து தவெகவில் இணையும் 5-வது முன்னாள் அமைச்சர் என்ற பெருமையை இவர் பெறுவார். இடைத்தேர்தல் களம் சூடுபிடித்துள்ள தாராபுரம் தொகுதியில், இந்த அதிரடி அரசியல் நகர்வு ஆளுங்கட்சியான தவெகவிற்கு கூடுதல் பலத்தையும், எதிர்க்கட்சியான அதிமுகவிற்குப் பலத்த பின்னடைவையும் ஏற்படுத்தும் என அரசியல் விமர்சகர்கள் கருதுகின்றனர்.