அடேங்கப்பா.. ஒரே ஆளுக்கு இத்தனை கிஃப்ட்டா..? “தனியாவே ஒரு கடை திறக்கலாம் போல”… மைக்ரோசாஃப்ட் ஊழியர் வெளியிட்ட வீடியோவை பார்த்து வியந்த நெட்டிசன்கள்..! வைரல் வீடியோ..!!

பெங்களூருவில் உள்ள மைக்ரோசாஃப்ட் நிறுவனத்தில் பணிபுரியும் கார்த்திக் அகர்வால் என்ற தொழில்நுட்ப ஊழியர், இன்ஸ்டாகிராமில் ஒரு வீடியோவைப் பகிர்ந்துள்ளார். அதில், தான் மைக்ரோசாஃப்ட் நிறுவனத்தில் இணைந்தது முதல் இதுவரை பெற்ற ஏராளமான பரிசுப் பொருட்களை “மலை போல” அடுக்கி வைத்துக் காட்டியுள்ளார். இதில் 13 டி-ஷர்ட்டுகள், ஜாக்கெட்டுகள், பவர் பேங்க், பேக்குகள், தண்ணீர் பாட்டில்கள், ஹார்மோனிகா, 50-க்கும் மேற்பட்ட ஸ்டிக்கர்கள் அடங்கிய டின் பாக்ஸ், ஐடி கார்டு டேப்கள் மற்றும் பல்வேறு சின்னச் சின்ன நினைவனுப்புப் பொருட்கள் எனப் பெருமளவிலான பொருட்கள் இடம்பெற்றுள்ளன.

இந்த பரிசுப் பொருட்கள் அனைத்தும் தான் ஒரே நாளில் பெற்றவை அல்ல என்றும், மைக்ரோசாஃப்ட் நிறுவனத்துடனான தனது நீண்டகாலப் பயணத்தின் வெவ்வேறு கட்டங்களில் கிடைத்தவை என்றும் கார்த்திக் அகர்வால் குறிப்பிட்டுள்ளார். “Consistency > Motivation” என்ற தலைப்புடன் அவர் வெளியிட்டுள்ள அந்த பதிவில், மைக்ரோசாஃப்ட் மாணவர் கற்றல் தூதராக இருந்த காலத்தில் தொடங்கி, அதன்பின் அங்கு மேற்கொண்ட இன்டர்ன்ஷிப் மற்றும் ஜூலை 2025-இல் முழுநேர ஊழியராக இணைந்தது வரையிலான முழுப் பயணத்திலும் தனக்குக் கிடைத்த அத்தனை நினைவனுப்புகளையும் சேகரித்து இந்த வீடியோவை அவர் உருவாக்கியுள்ளார்.

https://www.instagram.com/reel/Ddxxv2OxuOw/?utm_source=ig_web_button_share_sheet

இன்ஸ்டாகிராமில் வேகமாகப் பரவிய இந்த வீடியோவைக் கண்ட இணையதளவாசிகள் பலர் தங்களது சுவாரஸ்யமான கருத்துகளைப் பகிர்ந்து வருகின்றனர். “இது வெறும் பரிசுப் பொருட்கள் அல்ல, ஒரு தனி மைக்ரோசாஃப்ட் கலெக்ஷனே வைத்திருக்கிறார்”, “இவர் நினைத்தால் தனியாகவே ஒரு மைக்ரோசாஃப்ட் கடையைத் திறந்துவிடலாம்” என்றும், “இவ்வளவு டி-ஷர்ட்டுகள் வைத்திருப்பதைப் பார்க்கவே பிரமிப்பாக இருக்கிறது” என்றும் நெட்டிசன்கள் வியப்புடன் கருத்து தெரிவித்து வருகின்றனர்.