BREAKING : தமிழ்நாட்டில் 3 IAS அதிகாரிகள் திடீர் இடமாற்றம்.. தமிழக அரசு அதிரடி ..!!

தமிழ்நாட்டில் 3 ஐஏஎஸ் அதிகாரிகளை அதிரடியாகப் பணியிட மாற்றம் செய்து தமிழக அரசின் தலைமைச் செயலாளர் எம். சாய்குமார் அதிகாரப்பூர்வ உத்தரவு பிறப்பித்துள்ளார். இதன்படி, தமிழ்நாடு மின்னணு நிறுவனத்தின் மேலாண் இயக்குநராகப் பணியாற்றி வந்த டாக்டர் கே.பி. கார்த்திகேயன் IAS, பேரூராட்சிகள் இயக்ககத்தின் புதிய இயக்குநராக நியமிக்கப்பட்டுள்ளார். அவருக்குப் பதிலாக, வெளிநாட்டுப் பணியை முடித்துத் திரும்பிய பி. விஷ்ணு சந்திரன் IAS, எல்காட் நிறுவனத்தின் புதிய மேலாண் இயக்குநராகப் பொறுப்பேற்க உள்ளார்.

மறுபுறம், பேரூராட்சிகள் இயக்ககத்தின் இயக்குநராக இருந்த பி. பிரியங்கா IAS அங்கிருந்து மாற்றப்பட்டு, தமிழ்நாடு மின் ஆளுமை இயக்குநராகப் புதிய பொறுப்பில் நியமிக்கப்பட்டுள்ளார். அத்துடன், அவர் தமிழ்நாடு மின் ஆளுமை முகமையின் முதன்மைச் செயல் அதிகாரியாகவும் கூடுதலாகச் செயல்படுவார் என அரசு அறிவித்துள்ளது. நிர்வாகக் காரணங்களுக்காக மேற்கொள்ளப்பட்டுள்ள இந்த அடுத்தடுத்து ஐஏஎஸ் அதிகாரிகள் இடமாற்ற உத்தரவு, தற்போதைய தமிழக அரசியல் மற்றும் அரசு அதிகாரிகள் வட்டாரத்தில் முக்கியப் பேசுபொருளாக மாறியுள்ளது.