“எந்தத் தவறும் செய்யவில்லை…” 19 வயது வாலிபரின் இடது கண் முற்றிலும் வெடித்துச் சிதறிய கொடூரம்.. வேலைக்கு சென்ற இடத்தில் நேர்ந்த விபரீதம்.. இணையத்தை உலுக்கும் வாலிபரின் கண்ணீர் வீடியோ..!!

எகிப்தின் போர்ட் சைட் பகுதியைச் சேர்ந்த 19 வயதான அபு அல்-சவுத் என்ற ஏழை வாலிபர், உணவகம் ஒன்றில் தனது நண்பர்கள் ஐவருடன் சேர்ந்து உழைத்துக் கொண்டிருந்தபோது, எதிர்பாராத துப்பாக்கிச் சூட்டில் தனது இடது கண்ணை நிரந்தரமாக இழந்துள்ள சோகமான சம்பவம் நிகழ்ந்துள்ளது. எந்தவொரு தகராறிலும் ஈடுபடாமல் தனது அன்றாடப் பிழைப்பிற்காக அமைதியாக வேலை செய்துகொண்டிருந்தபோது, திடீரென நுழைந்த நபர் ஒருவர் நடத்திய கொடூரமான ஷாட்கன் துப்பாக்கிச் சூட்டில் இவரும் இவரது நண்பர்களும் கடுமையாகப் பாதிக்கப்பட்டனர். இந்தத் தாக்குதலில் அபு அல்-சவுத்தின் இடது கண் 100% முற்றிலும் வெடித்துச் சிதறிப் போனதுடன், அவரது முகம், பற்கள், கை மற்றும் நெஞ்சுப் பகுதி முழுவதும் துப்பாக்கிக் குண்டுகளின் துகள்கள் பாய்ந்துள்ளன.

ஏற்கனவே மூன்று பெரிய அறுவை சிகிச்சைகள் செய்யப்பட்ட போதிலும், உடலுக்குள் இருக்கும் குண்டுகளால் கடுமையான வலியால் துடித்து வரும் இந்த இளைஞர், தற்போது தொடர் வலி நிவாரணிகளை மட்டுமே நம்பி வாழும் நிலைக்குத் தள்ளப்பட்டுள்ளார். அவரது கண் முழுமையாகப் பறிபோனதை மருத்துவ அறிக்கைகளும் உறுதிப்படுத்தியுள்ள நிலையில், அவரால் மீண்டும் வேலைக்குச் செல்ல முடியாததால் வாழ்வாதாரத்தை இழந்து தவித்து வருகிறார். எந்தத் தவறும் செய்யாமல், தன் உழைப்பை மட்டுமே நம்பியிருந்த இந்த ஏழை இளைஞனின் குரல் அதிகாரிகளுக்கு எட்டவும், அவருக்கு நியாயமான நீதியும், உரிய இழப்பீடும் கிடைக்கச் செய்ய வேண்டும் என்ற கோரிக்கை வலுத்து வருகிறது