“மனிதநேயமற்ற கொடூரம்..!” பண்ணைக்குள் புகுந்து குதிரையிடம் அத்துமீறிய 19 வயது வாலிபர்.. நீதிமன்றத்தில் வெளிவந்த திடுக்கிடும் உண்மை..!!

இங்கிலாந்தில் பண்ணைக்குள் நுழைந்து ஷெட்லேண்ட் குதிரை வகை குதிரையிடம் பாலியல் குற்றத்தில் ஈடுபட முயன்ற 19 வயது இளைஞரான தாமஸ் மிகேல்சன், லீட்ஸ் கிரவுன் நீதிமன்றத்தில் தனது குற்றத்தை ஒப்புக்கொண்டுள்ளார். கடந்த 2025 ஆகஸ்ட் மாதம் ஹடர்ஸ்ஃபீல்டு அருகே உள்ள ஆல்மண்ட்பரி பகுதியில் அமைந்துள்ள ‘Gledhill Farm’ என்ற பண்ணையில் இந்த அதிர்ச்சி சடங்கு நடந்துள்ளது. செப்டம்பர் 30ஆம் தேதி நடந்த விசாரணையின் போது, உயிருடன் இருக்கும் விலங்குடன் பாலியல் ஊடுருவலை ஏற்படுத்த முயன்ற குற்றச்சாட்டை அவர் ஒப்புக்கொண்டார். எனினும், பாலியல் நோக்குடன் பண்ணைக்குள் அத்துமீறி நுழைந்ததாகக் கூறப்படும் மற்றொரு குற்றச்சாட்டை அவர் மறுத்ததை அடுத்து, அதை தற்காலிகமாக பதிவில் மட்டும் வைக்க அரசுத் தரப்பு சம்மதித்துள்ளது.

இந்த கொடூரமான சம்பவத்தால் பாதிக்கப்பட்ட பண்ணையின் உரிமையாளர்கள் மற்றும் ஊழியர்கள் கடுமையான மன உளைச்சலுக்கு ஆளாகியுள்ளனர் என்பது நீதிமன்றத்தில் சமர்ப்பிக்கப்பட்ட பாதிப்பு அறிக்கை மூலம் தெரியவந்துள்ளது. இங்கிலாந்து மற்றும் வேல்ஸ் சட்டப்படி, ‘பாலியல் குற்றங்கள் சட்டம் 2003’-ன் கீழ் விலங்குகளுக்கு எதிரான பாலியல் குற்றங்களும், அதற்கு முயற்சிப்பதும் கடுமையான தண்டனைக்குரிய குற்றங்களாகும். இந்த வழக்கில் குற்றவாளி தனது குற்றத்தை ஒப்புக்கொண்டிருப்பது, அடுத்தகட்ட தண்டனை விசாரணையில் மிக முக்கிய திருப்பமாக பார்க்கப்படுகிறது.

தற்போது ஜாமீனில் வெளிவந்துள்ள தாமஸ் மிகேல்சனுக்கான இறுதித் தண்டனை இன்னும் அறிவிக்கப்படவில்லை. அவருக்கு சிறைத் தண்டனை விதிக்கப்பட அதிக வாய்ப்புகள் இருப்பதாக நீதிபதி சைமன் பிலிப்ஸ் குறிப்பிட்டுள்ள போதிலும், தண்டனை குறித்த இறுதி முடிவு இன்னும் எடுக்கப்படவில்லை. எதிர்காலத்தில் இந்த இளைஞரால் சமூகத்திற்கு ஏற்படக்கூடிய ஆபத்துகளை மதிப்பிடுவதற்காக ‘Probation Service’ எனப்படும் மறுவாழ்வு சேவை அமைப்பின் அறிக்கையை நீதிமன்றம் கோரியுள்ளது. இந்த அறிக்கை சமர்ப்பிக்கப்பட்ட பிறகு, வரும் நவம்பர் 17ஆம் தேதி நடைபெறவிருக்கும் அடுத்தகட்ட விசாரணையில் இளைஞருக்கான இறுதித் தண்டனை விவரங்கள் அறிவிக்கப்படும்.