“இது நிஜமாகவே வசியக்கலை தானா..?” சாமியார்கள் செய்த ‘அந்த’ காரியம்.. அடித்த நொடியே நகைகளை கழற்றி கொடுத்த பெண்.. சிசிடிவியில் சிக்கிய பகீர் காட்சிகள்..!!

சாமியார்கள் வேடத்தில் வந்த இருவர் கடையில் இருந்த பெண்ணிடம் ஏதேனும் பேசி, அவரைத் தனது கட்டுப்பாட்டுக்குள் கொண்டு வந்து, அவரிடமிருந்த தங்க மோதிரம் மற்றும் பணத்தைப் பறித்துச் சென்ற அதிர்ச்சி தரும் சிசிடிவி காட்சிகள் வெளியாகிப் பெரும் பரபரப்பை ஏற்படுத்தியுள்ளன. அந்த வீடியோவில், சாமியார் கூறுவதை அப்படியே கேட்கும் அந்தப் பெண், தனது சுயநினைவை இழந்தவர் போல நகைகளையும் பணத்தையும் அவரிடம் எடுத்துக் கொடுக்கிறார். சிசிடிவி கேமரா மட்டும் அங்கு இல்லையென்றால் தனக்கு என்ன நடந்தது என்றே அந்தப் பெண்ணுக்குத் தெரிந்திருக்காது என்ற சூழலில், சாமியார்கள் என்ற போர்வையில் அப்பாவி மக்களை ஏமாற்றும் இதுபோன்ற சம்பவங்கள் தொடர்ந்து வெளிச்சத்திற்கு வந்தவண்ணம் உள்ளன.

இந்தச் சம்பவம் பொதுமக்களிடையே, “இது உண்மையிலேயே ஹிப்னாடிசம் எனப்படும் வசியக்கலை தானா? ஒருவரை இவ்வாறு வசியம் செய்து அவர்களின் விருப்பத்திற்கு மாறாகச் செயல்பட வைக்க முடியுமா?” என்ற பெரிய விவாதத்தையும் கேள்வியையும் எழுப்பியுள்ளது. அறிவியல் பூர்வமாக, ஒருவரின் முழுமையான அனுமதியும் ஒத்துழைப்பும் இல்லாமல் அவர்களை உடனடியாக வசியம் செய்து விபரீதமான காரியங்களைச் செய்ய வைக்க முடியாது என்று நிபுணர்கள் கூறுகின்றனர். எனினும், இத்தகைய மோசடிக் கும்பல்கள் பொதுவாகப் பேச்சு சாதுரியம், மத ரீதியான பயமுறுத்தல் அல்லது ஒருவித ரசாயனப் பொடிகளைப் பயன்படுத்தித் தற்காலிகமாகப் பெண்களின் கவனத்தைத் திசைதிருப்பி இத்தகைய திருட்டுகளில் ஈடுபடுகின்றனர் என்று காவல்துறையினர் எச்சரிக்கின்றனர்