CM சார் என்ன இதெல்லாம்..? கைதிகள் தப்பியோடும் அளவுக்கு உங்க ஆட்சி இருக்கு..? விஜய்யை ஓங்கி அடித்த எதிர்க்கட்சித் தலைவர் உதயநிதி ஸ்டாலின்..!!

“ஒரு பக்கம் குழந்தைகள் மாயம், மறுபக்கம் சிறையிலிருந்து கைதிகள் தப்பியோட்டம்” என தமிழகத்தில் சட்டம் ஒழுங்கு முற்றிலுமாகச் சீர்குலைந்துள்ளதாக எதிர்க்கட்சித் தலைவர் உதயநிதி ஸ்டாலின் தவெக அரசு மீது கடுமையான குற்றச்சாட்டுகளை முன்வைத்துள்ளார். தேனி தேக்கம்பட்டி கிளைச் சிறையிலிருந்து 17 கைதிகள் ஒரே நேரத்தில் தப்பியோடிய சம்பவம் மாநிலத்தில் பெரும் அதிர்வலைகளை ஏற்படுத்தியுள்ள நிலையில், தனது சமூக ஊடகப் பதிவின் வாயிலாக அவர் இந்த விமர்சனத்தை எழுப்பியுள்ளார்.

கடந்த சில நாட்களுக்கு முன்பு சென்னை புழல் மத்திய சிறையிலிருந்து இரு கைதிகள் தப்பியோடிய சம்பவத்தைத் தொடர்ந்து, தற்போது தேனி சிறையிலும் இத்தகைய பிரம்மாண்டப் பாதுகாப்பு மீறல் அரங்கேறியுள்ளது சிறைத்துறையின் அப்பட்டமான தோல்வியைக் காட்டுவதாக அவர் சுட்டிக்காட்டியுள்ளார். அண்மையில் புழல் சிறையில் ஆய்வு மேற்கொண்ட முதலமைச்சர் விஜய், சிறை நிர்வாகத்தில் என்ன மாதிரியான பாதுகாப்பு நடவடிக்கைகளுக்கு உத்தரவிட்டார் என்றும், கைதிகள் தப்பியோடும் அளவுக்குத் தான் இங்கு நிர்வாகம் சீர்கெட்டுப் போய் இருக்கிறதா என்றும் அவர் கேள்வி எழுப்பியுள்ளார்.

பொதுமக்களின் பாதுகாப்பை உறுதி செய்யத் தவறிவிட்டு, வெறும் ‘டம்மி முதலமைச்சராக’ மட்டுமே விஜய் ஆட்சி நடத்திக் கொண்டிருக்கிறார் என்று தனது பதிவில் சாடியுள்ள எதிர்க்கட்சித் தலைவர் உதயநிதி ஸ்டாலின், தப்பியோடிய கைதிகள் அனைவரையும் உடனடியாகக் கைது செய்ய வேண்டும் எனவும், சிறைப்பாதுகாப்பை பலப்படுத்த உரிய நடவடிக்கை எடுக்க வேண்டும் எனவும் வலியுறுத்தியுள்ளார்.