அடப்பாவமே..! “ஆரோக்கியமா இருந்த நாயை கடைசில இப்படி கொன்னுட்டாங்களே..” கால்நடை மருத்துவமனையின் வெட்கக்கேடான செயல்..!!

அமெரிக்காவின் ஜார்ஜியா மாகாணத்தைச் சேர்ந்த குடும்பம் ஒன்று, தாங்கள் கருணைக்கொலை செய்ததாக நம்பிய தங்கள் 4 வயது பக் ரக நாயான ‘சா சா’ சில மாதங்கள் கழித்து உயிரோடு இருப்பதை முகநூல் பதிவு மூலம் கண்டு அதிர்ச்சியடைந்துள்ளது. அந்த நாய் கடுமையான உடல்நலக் குறைவால் அவதிப்பட்டதால், அதன் உரிமையாளர் ரெபெக்கா பெலோட் கால்நடை மருத்துவமனை அறிவுறுத்தலின்படி அதற்குக் கருணைக்கொலை செய்ய முடிவெடுத்தார். இதற்காக 716.50 அமெரிக்க டாலர்களைச் செலுத்திய குடும்பம், தங்களது செல்லப்பிராணி பாதுகாப்பாகத் தூக்கிலிடப்பட்டு தகனம் செய்யப்பட்டதாக நம்பி மிகுந்த சோகத்துடன் திரும்பிச் சென்றது.

ஆனால், சில மாதங்களுக்குப் பிறகு முகநூலில் வெளியான ஒரு பதிவின் மூலமாக, அந்த நாய் கொல்லப்படாமல் கால்நடை மருத்துவமனை ஊழியர் ஒருவரால் வீட்டிற்கு அழைத்துச் செல்லப்பட்டு ஆரோக்கியமாக வாழ்ந்து வருவது தெரியவந்தது. இதைக் கண்டு கடும் குழப்பமும் அதிர்ச்சியும் அடைந்த குடும்பத்தினர், மருத்துவமனை நிர்வாகத்திடம் இது குறித்து விளக்கம் கேட்டுள்ளனர்.

குடும்பத்தினர் விளக்கம் கேட்டதைத் தொடர்ந்து, மருத்துவமனை அந்த நாயை அந்த ஊழியரிடமிருந்து திரும்பப் பெற்று கருணைக்கொலை செய்துள்ளது. ஆரோக்கியமாக இருந்த ஒரு நாயைக் கொன்ற மருத்துவமனையின் இந்தச் செயல் மிகுந்த மனவேதனை அளிப்பதாகவும், இது மிகவும் கண்டிக்கத்தக்கது என்றும் உரிமையாளர் பெலோட் குற்றம்சாட்டியுள்ளார். மேலும், இது தொடர்பாக அவர் ஜார்ஜியா மாநில கால்நடை மருத்துவ வாரியத்தில் முறையான புகாரும் அளித்துள்ளார்.