CRIME
வயலில் ஆடைகளின்றி கிடந்த இளம் பெண் சடலம்… பாலியல் வன்கொடுமை செய்து கொலை..? நெஞ்சை உறையவைக்கும் பயங்கரம்..!!
பீகார் மாநிலம் சமஸ்திபூர் மாவட்டத்தில் உள்ள ஒரு விவசாய நிலத்தில், அடையாளம் தெரியாத இளம் பெண் ஒருவரின் சடலம் ஆடைகளின்றி மீட்கப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது. கல்யாண்பூர் காவல் எல்லைக்குட்பட்ட மூசேபூர் கிராமத்தில் உள்ள வயல்வெளியில் இந்தச் சடலம் கண்டெடுக்கப்பட்டுள்ளது. கடந்த இரண்டு நாட்களாக அப்பகுதியில் பெய்து வரும் தொடர் மழையின் இடையே, அதிகாலையில் இந்தச் சடலத்தை முதலில் பார்த்த கிராம மக்கள் உடனடியாகக் காவல் துறையினருக்குத் தகவல் கொடுத்துள்ளனர்.
காவல்துறையினரின் ஆரம்பக்கட்ட விசாரணையில், உயிரிழந்த பெண்ணின் உடலில் ஆங்காங்கே பலத்த காயங்கள் மற்றும் கீறல்கள் இருப்பது கண்டறியப்பட்டுள்ளது. இதன் காரணமாக, அந்தப் பெண் கொலை செய்யப்படுவதற்கு முன்னதாகக் கொடூரமான முறையில் தாக்கப்பட்டிருக்கலாம் அல்லது பாலியல் வன்கொடுமைக்கு உள்ளாக்கப்பட்டு நிருடமாகக் கொலை செய்யப்பட்டிருக்கலாம் என்ற பலத்த சந்தேகம் எழுந்துள்ளது. இச்சம்பவத்தின் தீவிரத்தன்மையைக் கருத்தில் கொண்டு, சமஸ்திபூர் எஸ்பி அரவிந்த் பிரதாப் சிங்கின் உத்தரவின் பேரில் தடைய அறிவியல் மற்றும் மாவட்டப் புலனாய்வுப் பிரிவு குழுவினர் சம்பவ இடத்திற்கு விரைந்து சென்று கைரேகைகள் மற்றும் முக்கிய அறிவியல் பூர்வமான ஆதாரங்களைச் சேகரித்துள்ளனர்.
தற்போது மீட்கப்பட்ட பெண்ணின் சடலம் உடற்கூறாய்வு மற்றும் அடையாளத்தை உறுதிப்படுத்துவதற்காகச் சமஸ்திபூர் சதர் மருத்துவமனையின் சவக்கிடங்கில் அடுத்த 72 மணி நேரத்திற்குப் பாதுகாப்பாக வைக்கப்பட்டுள்ளது. மேலும், கல்யாண்பூர் போலீசார் அந்தப் பகுதியில் அண்மைய நாட்களாகக் காணாமல் போன பெண்களின் விவரங்களைச் சேகரித்துத் தீவிரமாக ஒப்பிட்டு வருகின்றனர். உடற்கூறாய்வு அறிக்கை வெளியான பின்னரே இது தற்கொலையா அல்லது பாலியல் வன்கொடுமைக்குப் பின்னரான கொலையா என்பது முழுமையாகத் தெரியவரும் என உயர் அதிகாரிகள் தெரிவித்துள்ளனர்.
