அதிகாலையில் நேர்ந்த பெருஞ்சோகம்.. எமனாக வந்த லாரி.. காரை சுக்குநூறாக்கி 2 பேருக்கு நேர்ந்த கொடூர கதி.. நெஞ்சை உலுக்கும் சோக சம்பவம்..!!

ஆந்திரப் பிரதேச மாநிலம் நர்சிபட்டினம் அருகே பெதபொட்டேபல்லி குருகுலப் பள்ளிக்கு அருகில் நேற்று அதிகாலையில் ஒரு பயங்கர சாலை விபத்து ஏற்பட்டது. விசாகப்பட்டினத்தில் இருந்து வந்த காரும், நர்சிபட்டினத்தில் இருந்து தாளபாலெம் நோக்கிச் சென்ற டிப்பர் லாரியும் எதிர்பாராதவிதமாக நேருக்கு நேர் மோதி விபத்துக்குள்ளாகின. இந்த விபத்தின் கொடூரமான தாக்கத்தால், காரில் பயணம் செய்த அய்யன்ன காலனியைச் சேர்ந்த துர்கா பிரசாத் மற்றும் பெதபாடி வம்சி ஆகிய இரு இளைஞர்கள் சம்பவ இடத்திலேயே பரிதாபமாக உயிரிழந்தனர்.

தகவலறிந்து சம்பவ இடத்திற்கு விரைந்து வந்த டவுன் சி.ஐ ஷேக் கபூர், உயிரிழந்தவர்களின் உடல்களைக் கைப்பற்றி பிரேதப் பரிசோதனைக்காக நர்சிபட்டினம் பகுதி அரசு மருத்துவமனைக்கு அனுப்பி வைத்தார். மேலும், டி.எஸ்.பி பி. ஸ்ரீனிவாச ராவ் விபத்து நடந்த இடத்தை நேரில் பார்வையிட்டு, இந்தத் துரதிர்ஷ்டவசமான விபத்து எவ்வாறு நிகழ்ந்தது என்பது குறித்து தீவிர விசாரணை நடத்தி விவரங்களைச் சேகரித்தார்.