CRIME
ஐயோ கடவுளே..! பட்டாசு வெடிப்பதில் தகராறு.. திருச்சியில் ஐடி ஊழியர் ஸ்பேனரால் குத்திக் கொ**…!!
திருச்சி சமயபுரம் அருகே தீபாவளி பண்டிகையின் போது பட்டாசு வெடிப்பதில் ஏற்பட்ட தகராறில், ஐடி (IT) ஊழியர் ஒருவர் ஸ்பேனரால் குத்தி கொடூரமாக கொலை செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது. பண்டிகை கொண்டாட்டத்தின் போது ஏற்பட்ட சாதாரண வாய் தகராறு, இரு தரப்பினருக்கும் இடையே நிலவிய முன்விரோதம் காரணமாகப் பெரிய மோதலாக உருவெடுத்துள்ளது.
இந்த மோதலின் போது எதிர்த்தரப்பைச் சேர்ந்தவர்கள், மறைத்து வைத்திருந்த ஸ்பேனரால் அந்த ஐடி ஊழியரைத் தாக்கியுள்ளனர். இதில் மார்பு மற்றும் உடல் பகுதிகளில் பலத்த குத்துக்காயமடைந்த அவர், அதிக இரத்தப்போக்கு ஏற்பட்டு சம்பவ இடத்திலேயே பரிதாபமாக உயிரிழந்தார். இச்சம்பவம் அப்பகுதியில் பெரும் சோகத்தையும் பரபரப்பையும் ஏற்படுத்தியுள்ளது.
இக்கொலை சம்பவம் குறித்துத் தகவல் அறிந்த சமயபுரம் காவல் துறையினர், சம்பவ இடத்திற்கு விரைந்து வந்து உடலைக் கைப்பற்றி பிரேதப் பரிசோதனைக்கு அனுப்பி வைத்தனர். மேலும், இது தொடர்பாக வழக்குப்பதிவு செய்துள்ள போலீசார், தாக்குதல் நடத்திவிட்டுத் தலைமறைவாக உள்ள மூன்று பேரைத் தனிப்படை அமைத்துத் தீவிரமாகத் தேடி வருகின்றனர்.
