“நகையை விற்காதீங்க…” பேராசையால் தாயை இழந்த 3 வயது குழந்தைக்கு நேர்ந்த சோகம்.. மாமா, அத்தையின் கொடூரமுகம்..!!

உத்தரப் பிரதேச மாநிலம் ஏடா பகுதியில், 3 வயது பச்சிளம் சிறுமியான ராதிகா, அவளது சொந்த மாமா தீபக் மற்றும் அத்தை பூஜாவால் கழுத்தை நெரித்துக் கொடூரமாகக் கொலை செய்யப்பட்ட அதிர்ச்சி சம்பவம் வெளிச்சத்திற்கு வந்துள்ளது. ஏற்கனவே தனது தாயை இழந்து தவித்த அந்தச் சிறுமியின் பெயரில் ஒரு நிலம் வாங்குவதற்காக, அவளிடம் இருந்த சுமார் 8 தோலா தங்கம் மற்றும் வெள்ளி நகைகளை விற்க அவளது தாத்தாவும் பாட்டியும் முடிவு செய்துள்ளனர். இதற்கு மாமாவும் அத்தையும் கடும் எதிர்ப்பு தெரிவித்து வந்த நிலையில், சொத்து பேராசை காரணமாக இந்தத் துயரக் கொலையை அரங்கேற்றியுள்ளனர்.

சிறுமியைக் கொலை செய்த பின்னர், அவளது உடலை ஒரு பெட்டியில் மறைத்து வைத்துள்ளனர். பின்னர், உடலை ஒரு சாக்கு மூட்டையில் கட்டி வெளியே எடுத்துச் சென்று, அங்குள்ள ஒரு முசுக்கட்டைமரத்தின் அடியில் குழி தோண்டிப் புதைத்துள்ளனர். தாயை இழந்து பாதுகாப்பற்ற நிலையில் இருந்த அந்தப் பிஞ்சு குழந்தையைக் காப்பாற்ற வேண்டிய குடும்பமே நகைகளுக்காகவும், நிலத்திற்காகவும் கொன்ற இந்த மனிதாபிமானமற்ற கொடூரம் அப்பகுதியில் பெரும் அதிர்ச்சியை ஏற்படுத்தியுள்ளது. இதுகுறித்து போலீசார் வழக்குப் பதிவு செய்து, குற்றவாளிகளைக் கைது செய்து தீவிர விசாரணை நடத்தி வருகின்றனர்.