“பெத்த தாயும் ஓடிட்டா.. மாற்றாந்தாயும் கொன்னுட்டா..!” தந்தை வேலைக்கு சென்ற நேரத்தில் நேர்ந்த கொடூரம்.. 4 வயது பச்சிளம் குழந்தையை அடித்துக் கொ*ற சித்தி கைது..!!

மேற்கு வங்க மாநிலம் முர்ஷிதாபாத் மாவட்டத்தில், 4 வயது மாற்றாந்தாய் மகளைக் கொடூரமாக அடித்துக் கொலை செய்த வழக்கில் மௌசுமி খাতூன் என்ற பெண் போலீசாரால் அதிரடியாகக் கைது செய்யப்பட்டுள்ளார். மேற்கு வங்கத்தைச் சேர்ந்த அக்தர் ஹொசைன் என்பவர் கேரளா மாநிலத்தில் உள்ள ஜவுளி ஆலை ஒன்றில் வேலை பார்த்து வரும் சூழலில், இந்தத் துயரச் சம்பவம் சாகர்பாரா பகுதியில் நிகழ்ந்துள்ளது.

அக்தர் ஹொசைனின் முதல் மனைவி மூன்று ஆண்டுகளுக்கு முன்பு தனது ஒரு வயது பெண் குழந்தையான ஃபர்சானா தவிக்கவிட்டு, காதலனுடன் வீட்டை விட்டு ஓடிவிட்டார். அதன் பின்னர் அக்தர், மௌசுமி என்பவரை இரண்டாவது திருமணம் செய்து கொண்டார். இந்த மாற்றாந்தாய், சிறுமி ஃபர்சானாவை தினமும் பட்டினி போட்டும், கடுமையான சித்திரவதைகளுக்கு உள்ளாக்கியும் கொடுமைப்படுத்தி வந்துள்ளார்.

இந்நிலையில், சாகர்பாரா பகுதியில் உள்ள வீட்டில் வைத்து 4 வயது சிறுமி ஃபர்சானாவை மாற்றாந்தாய் மௌசுமி கொடூரமாக அடித்துக் கொலை செய்துள்ளார். இச்சம்பவம் குறித்துத் தகவலறிந்து வந்த போலீசார், உயிரிழந்த சிறுமியின் உடலைக் கைப்பற்றிப் பிரேதப் பரிசோதனைக்கு அனுப்பி வைத்ததுடன், கொடூரத் தாய் மௌசுமி யை கைது செய்து தீவிர விசாரணை மேற்கொண்டு வருகின்றனர்.