“பாதுகாக்க வேண்டிய கைகளே உயிரைப் பறித்த கொடூரம்..” சொத்துக்காக 3 வயது அனாதை சிறுமியை கொ**று மரத்தடியில் புதைத்த மாமா, மாமி.. நெஞ்சை பதறவைக்கும் துரோகம்..!!

உத்தரப் பிரதேச மாநிலம் எட்டாவைச் சேர்ந்த 3 வயது சிறுமி ராதிகா, சிறுவயதிலேயே தன் தாயை இழந்து அனாதையாக வாழ்ந்து வந்தாள். இந்நிலையில், அச்சிறுமியின் தாத்தாவும் பாட்டியும் அவளது எதிர்காலத்திற்காக, அவளிடம் இருந்த சுமார் 8 தோலா தங்கம் மற்றும் வெள்ளி நகைகளை விற்று ஒரு நிலம் வாங்கித் தர முடிவு செய்தனர். ஆனால், இந்த முடிவை சிறுமியின் சொந்த மாமாவான தீபக் மற்றும் மாமி பூஜாவும் கடுமையாக எதிர்த்து வந்துள்ளனர்.

சொத்து மற்றும் நகையின் மீது கொண்ட பேராசையால், பெற்ற தாயை இழந்து தவித்த அந்த பிஞ்சுச் சிறுமியை அவளது மாமாவும் மாமியும் சேர்ந்து கழுத்தை நெரித்துக் கொடூரமாகக் கொலை செய்தனர். கொலை செய்த பிறகு, சிறுமியின் உடலை ஒரு சாக்கில் கட்டி, வீட்டிலிருந்த மரப்பெட்டிக்குள் மறைத்து வைத்தனர். பின்னர் நள்ளிரவில் அந்த உடலை வெளியே எடுத்துச் சென்று, அங்குள்ள ஒரு முள் மொச்சை மரத்தின் அடியில் குழிதோண்டி புதைத்துள்ளனர்.

பாதுகாப்பாக வைத்திருக்க வேண்டிய சொந்தக் குடும்பத்தினரே, ஒரு சிறிய நிலத்திற்காகவும் நகைகளுக்காகவும் 3 வயது அனாதைச் சிறுமியைப் பலிகொடுத்த இச்சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. தாயில்லாப் பிள்ளையின் உயிரை விடப் பணமும் நகையுமே பெரிது என நினைத்த மனிதர்களின் பேராசைக்கு எல்லை இல்லை என்பதை இந்நிகழ்வு உணர்த்துகிறது.