முதலமைச்சர் விஜய் அதிரடி ஆக்‌ஷன்..! வெள்ளைத்தாளில் கையெழுத்து போட்ட தவெக எம்.எல்.ஏ-க்கள்… ஆடிப்போன எதிர்க்கட்சிகள்..!!

முதலமைச்சர் விஜய் தனது கட்சியின் சட்டமன்ற உறுப்பினர்களுக்கு (MLA) எதிர்க்கட்சிகளின் சூழ்ச்சிகளில் சிக்க வேண்டாம் எனக் கடுமையான எச்சரிக்கை விடுத்துள்ளார். தமிழக வெற்றிக் கழகத்தின் (தவெக) எம்.எல்.ஏ-க்களை இழுக்க எதிர்க்கட்சிகள் குதிரை பேரத்தில் ஈடுபடுவதாக அரசியல் வட்டாரங்களில் தகவல்கள் பரவி வருகின்றன. இந்தச் சூழலில், எதிர்க்கட்சிகள் விரிக்கும் வலையில் மாட்டிக்கொள்ளாமல் எச்சரிக்கையாகச் செயல்படுமாறு முதலமைச்சர் விஜய் தனது கட்சி எம்.எல்.ஏ-க்களுக்கு அறிவுறுத்தியுள்ளதாகக் கூறப்படுகிறது.

அரசுக்கு அவப்பெயர் ஏற்படுத்தும் வகையில் செயல்படும் எம்.எல்.ஏ-க்கள் மீது உடனடி நடவடிக்கை எடுக்கும் வகையில் புதிய நடைமுறை ஒன்று மேற்கொள்ளப்பட்டுள்ளதாகத் தகவல் வெளியாகியுள்ளது. கட்சித் தலைமைக்கு எதிராகவோ அல்லது அரசின் நற்பெயருக்குக் களங்கம் விளைவிக்கும் வகையிலோ யாரேனும் செயல்பட்டால், அவர்களைப் பதவியிலிருந்து நீக்குவதற்காக அனைத்து தவெக எம்.எல்.ஏ-க்களிடமும் வெள்ளைத்தாளில் கையெழுத்துப் பெறப்பட்டுள்ளதாகக் கூறப்படுகிறது.

ஆட்சியைத் தக்கவைக்கவும், கட்சிக்குள் ஒழுக்கத்தைக் கட்டுக்கோப்பாக வைத்திருக்கவும் முதலமைச்சர் விஜய் எடுத்துள்ள இந்த அதிரடி நடவடிக்கை அரசியல் களத்தில் பேசுபொருளாகியுள்ளது. எதிர்க்கட்சிகளின் நகர்வுகளுக்கு முற்றுப்புள்ளி வைக்கும் வகையிலும், எம்.எல்.ஏ-க்கள் கட்சி மாறுவதைத் தடுக்கும் வகையிலும் இந்த முன்னெச்சரிக்கை நடவடிக்கை பார்க்கப்படுகிறது. இருப்பினும், இந்த விவகாரம் குறித்துத் தவெக தரப்பிலிருந்தோ அல்லது முதலமைச்சர் அலுவலகத்திலிருந்தோ அதிகாரப்பூர்வ அறிவிப்புகள் எதுவும் வெளியிடப்படவில்லை.