“இவ்வளவு நாளா இது நமக்குத் தெரியாம போச்சே..” வெறும் 140 ரூபாயில் சாதாரண ஃபேனையே ஏர் பியூரிஃபையரா மாத்தின ஸ்கூல் ஸ்டுடென்ட்ஸ்… உலகை மிரள வைக்கும் அசத்தல் கண்டுபிடிப்பு..!!

டெல்லியின் நச்சு நிறைந்த காற்றுக்கு மத்தியில், இரண்டு பள்ளி மாணவர்கள் ஒரு அசாதாரண சாதனையை நிகழ்த்தியுள்ளனர். கிரிஷ் அகர்வால் மற்றும் சமர்த் மீட்டில் ஆகிய இருவரும் இணைந்து, வெறும் 140 ரூபாய செலவில் சாதாரண மின்விசிறியை ஏர் பியூரிஃபையராக மாற்றும் பிரத்யேக ஃபில்டரை உருவாக்கியுள்ளனர். ஒவ்வொரு ஆண்டும் குளிர் காலத்தில் டெல்லியின் காற்று கடுமையாக மாசுபடுகிறது, இதனால் திறந்த வெளியில் மூச்சு விடுவதே கடினமாகிறது. குழந்தைகளும், முதியவர்களும், சுவாசப் பிரச்சனையுள்ளவர்களும் இதனால் அதிகம் பாதிக்கப்படுகின்றனர். அனைத்து குடும்பங்களாலும் ஆயிரக்கணக்கில் செலவழித்து ஏர் பியூரிஃபையர் வாங்க முடியாது என்பதால், இத்தகைய இக்கட்டான நிலையைச் சமாளிக்க இந்த எளிய வழியைக் கண்டுபிடித்துள்ளனர்.

சமஸ்கிருதி பள்ளியில் 12ஆம் வகுப்புப் பயிலும் கிரிஷ் அகர்வாலும், வசந்த் வேலி பள்ளியில் 11ஆம் வகுப்புப் பயிலும் சமர்த் மீட்டிலும் இணைந்து ‘புராஜெக்ட் வாயு’ என்ற புதிய முயற்சியைத் தொடங்கியுள்ளனர். விலையுயர்ந்த ஏர் பியூரிஃபையர்களை வாங்க முடியாத ஏழைக் குடும்பங்களுக்கும் குழந்தைகளுக்கும் தூய்மையான காற்றை வழங்குவதே இவர்களின் முக்கிய நோக்கமாகும். இந்தத் திட்டத்தின் மிகப்பெரிய சிறப்பம்சம் இதன் குறைந்த விலைதான். இதன் மூலம் வெறும் 140 ரூபாய் செலவு செய்து சாதாரண மின்விசிறியையே ஏர் பியூரிஃபையராகப் பயன்படுத்த முடியும். இதற்காகப் புதிய இயந்திரங்களையோ அல்லது வீட்டில் உள்ள மின்விசிறியையோ மாற்ற வேண்டிய அவசியமில்லை.

இந்தத் தொழில்நுட்பத்தில் எலக்ட்ரோஸ்டாட்டிக் ஃபில்டர் பயன்படுத்தப்படுகிறது; இதனை ஒரு எலாஸ்டிக் உதவியுடன் டேபிள் ஃபேன் அல்லது சுவரில் மாட்டப்படும் விசிறியின் கூண்டில் எளிதாகப் பொருத்திக் கொள்ளலாம். இதை மாட்ட வெறும் ஒரு நிமிடமே போதும். விசிறியை இயக்கியவுடன், காற்றில் உள்ள PM2.5 போன்ற மிக நுண்ணிய நச்சுத் துகள்கள் இந்த ஃபில்டரில் தங்கிவிடும். இந்த ஃபில்டரின் விலை சுமார் 140 ரூபாய் மட்டுமே மற்றும் இதனை ஒவ்வொரு மாதமும் மாற்றினால் போதும். குறைந்த பட்ஜெட்டில் வாழும்குடும்பங்களுக்கு இது மிகவும் பயனுள்ள மற்றும் செலவு குறைந்த மாற்றாக அமைந்துள்ளது.