“நொடியில் உயிரைப் பறிக்க வந்த எமன்..” பைக்கில் சென்ற தம்பதி மீது விழுந்த ராட்சத விளம்பரப் பலகை… பதைபதைக்கும் சிசிடிவி வீடியோ..!!

உத்தரப் பிரதேச மாநிலம் பதேபூர் பகுதியில், இருசக்கர வாகனத்தில் சென்று கொண்டிருந்த கணவன் மற்றும் மனைவி மீது ராட்சத விளம்பரப் பலகையைத் தாங்கி நின்ற இரும்புத் தூண் திடீரென முறிந்து விழுந்ததில் பயங்கர விபத்து ஏற்பட்டுள்ளது. சாலையில் வழக்கம்போல அந்தத் தம்பதியினர் பைக்கில் சென்று கொண்டிருந்தபோது, எதிர்பாராத விதமாக அந்தப் பெரிய தூண் நேராக அவர்கள் மீது சரிந்து விழுந்தது. இந்தக் கோர விபத்தில் இருவரும் பலத்த காயமடைந்த போதிலும், அதிர்ஷ்டவசமாக உயிர் தப்பினர்.

விபத்து நடந்ததைக் கண்ட அப்பகுதி மக்கள் உடனடியாகச் சம்பவ இடத்திற்கு விரைந்து வந்து, இடிபாடுகளுக்கு இடையே சிக்கியிருந்த கணவன் மற்றும் மனைவியைப் பத்திரமாக மீட்டு உதவினர். நொடியில் உயிரைப் பறிக்கும் வகையில் நடந்த இந்தப் பதைபதைக்க வைக்கும் விபத்துக் காட்சிகள் அனைத்தும் அங்கிருந்த சிசிடிவி கேமராவில் துல்லியமாகப் பதிவாகியுள்ளன. தற்போது இணையத்தில் வேகமாகப் பரவி வரும் இந்த சிசிடிவி வீடியோ, பொதுமக்களிடையே பெரும் அதிர்ச்சியையும், பாதுகாப்பற்ற முறையில் வைக்கப்பட்டுள்ள விளம்பரப் பலகைகள் குறித்த அச்சத்தையும் ஏற்படுத்தியுள்ளது.