LATEST NEWS
தி.மு.கவுடன் பாஜக மறைமுக கூட்டணியா.?” நேரடியாகவே வைத்துக்கொள்வோம்… எனத் தமிழிசை போட்ட அதிரடி குண்டு.. அதிரும் அரசியல் வட்டாரம்..!!
திருச்சியில் செய்தியாளர்களைச் சந்தித்த பா.ஜ.க மூத்த தலைவர் தமிழிசை சௌந்தரராஜன், தமிழக அரசியல் சூழல் மற்றும் கூட்டணி யூகங்கள் குறித்து பல்வேறு கேள்விகளுக்குப் பதிலளித்தார்.
அப்போது, தி.மு.கவுடன் பா.ஜ.க மறைமுகமாகக் கூட்டணி வைத்துள்ளதா எனச் செய்தியாளர்கள் கேள்வி எழுப்பினர். அதற்குப் பதிலளித்த தமிழிசை, மறைமுகமாகக் கூட்டணி வைக்க வேண்டிய அவசியம் தங்களுக்கு இல்லை என்றும், அப்படி ஒரு சூழல் ஏற்பட்டால் நேரடியாகவே கூட்டணி வைத்துக்கொள்வோம் என்றும் நகைச்சுவையாகவும் அதிரடியாகவும் பதிலளித்தார்.
மேலும், தமிழகத்தில் பா.ஜ.கவின் வளர்ச்சி குறித்துப் பேசிய அவர், தனது வழக்கமான பாணியில் “தமிழகத்தில் தாமரை மலர்ந்தே தீரும்” என்ற பிரபலமான வசனத்தை மீண்டும் ஒருமுறை அழுத்தமாகக் குறிப்பிட்டார். பா.ஜ.க எப்போதும் வெளிப்படையான அரசியலையே முன்னெடுப்பதாகவும், கூட்டணி குறித்த வதந்திகளுக்கு இடமில்லை என்றும் அவர் தெரிவித்தார்.
