நெஞ்சே பதறுது..! கையில் குழந்தையோடு வாசலில் நின்ற தந்தை.. திடீரெனப் பாய்ந்து கொடூரமாக முட்டித் தள்ளிய காளை..! கண்ணிமைக்கும் நேரத்தில் நடந்த பயங்கரம்.. பதற வைக்கும் சிசிடிவி காட்சி..!!

ராய்ப்பூர் டீடீ நகர் பகுதியில் வீட்டின் வெளியே தனது குழந்தையைக் கையில் ஏந்தியபடி நின்று கொண்டிருந்த நபர் மீது, அப்பகுதியில் திரிந்த காளை மாடு ஒன்று திடீரெனப் பாய்ந்து கொடூரத் தாக்குதல் நடத்தியுள்ளது. எதிர்பாராதவிதமாக நடந்த இந்தத் தாக்குதலில், அக்காளை மாடு தனது கூர்மையான கொம்புகளால் அந்த நபரை முட்டித் தள்ளியது. இதில் நிலைதடுமாறி விழுந்த அந்தத் தந்தை மிகக் கொடூரமான முறையில் பலத்த காயமடைந்தார்.

காளையின் கடுமையான தாக்குதலில் கையில் இருந்த குழந்தையை தந்தை தவற விட்டார். இக்கொடூர தாக்குதலில் குழந்தையும் பாதிக்கப்பட்டது. இச்சம்பவத்தின் போது அருகிலிருந்தவர்கள் உடனடியாக ஓடிவந்து காளை மாட்டை விரட்டியடித்து, காயமடைந்தவரை மீட்க உதவி செய்தனர். அதிர்ஷ்டவசமாக அந்தச் சிறு குழந்தை ஆபத்திலிருந்து உயிர் தப்பியது.

https://www.instagram.com/reel/DeMbbOiypse/?utm_source=ig_web_button_share_sheet

இவ்விடத்தில் அமைக்கப்பட்டிருந்த சிசிடிவி கேமராவில் இந்தத் திடுக்கிடும் காட்சி முழுவதும் பதிவாகி சமூக வலைத்தளங்களில் பரவி வருகிறது. இச்சம்பவம் அப்பகுதி மக்களிடையே பெரும் அதிர்ச்சியையும் அச்சத்தையும் ஏற்படுத்தியுள்ளது. தெருக்களில் சுற்றித்திரியும் விலங்குகளால் பொதுமக்களுக்கு ஏற்படும் ஆபத்து குறித்துப் புகார்கள் எழுந்துள்ள நிலையில், காயமடைந்த தந்தை தற்போது மருத்துவமனையில் சேர்க்கப்பட்டு தீவிர சிகிச்சை பெற்று வருகிறார்.