விளையாட்டு வினையானது..! காரின் பெட்ரோல் டேங்குக்குள் தண்ணீர் பைப்பை விட்ட சிறுமி.. அப்பாவின் ரியாக்ஷனைப் பார்த்து ஷாக்கான நெட்டிசன்கள்..!!

சிறுமி ஒருத்தி விளையாட்டாகச் செய்த ஒரு காரியம், அவளது அப்பாவின் காரின் ஒட்டுமொத்த “எரிபொருள் அமைப்பையே” தலைகீழாக மாற்றிப்போட்டுள்ளது. காரின் பெட்ரோல் டேங்க் மூடி திறந்திருப்பதைப் பார்த்த அந்தச் சிறுமி, சற்றும் யோசிக்காமல் கையில் இருந்த தண்ணீர் பைப்பை நேராக அதற்குள் விட்டுத் தண்ணீரைத் திறந்துவிட்டுள்ளார். பின்னர் மிகவும் மகிழ்ச்சியாக, “டாடி… டாடி!” என்று தன் அப்பாவை சத்தமிட்டுக் கூப்பிட்டுள்ளார்.

மகள் கூப்பிடும் சத்தம் கேட்டுத் திரும்பிப் பார்த்த அப்பா, அங்கே நடந்த காட்சியைப் பார்த்து அப்படியே உறைந்துபோனார். பதறியடித்து ஓடிவந்து மகள் கையில் இருந்த தண்ணீர் பைப்பைப் பிடுங்கினார். ஆனால், அதற்குள்ளாகவே காரின் எரிபொருள் டேங்கிற்குள் பெருமளவிலான தண்ணீர் உள்ளே சென்றுவிட்டது.

அந்தச் சிறுமிக்கு அது ஒரு சாதாரண விளையாட்டாகத் தெரிந்தாலும், அவளது அப்பாவுக்கு அது காரை பழுதுபார்க்கும் பட்டறையில் ஒரு பெரிய தொகையைச் செலவழிக்கப் போகும் அதிர்ச்சியாக மாறியுள்ளது. குழந்தைகளை கவனிக்காமல் தனியாக விட்டுவிடாதீர்கள்; அவர்களின் அடுத்த விளையாட்டு எவ்வளவு பெரிய செலவை இழுத்து வைக்கப் போகிறது என்பது யாருக்கும் தெரியாது!