கணேஷ் பந்தலில் நடந்த பயங்கரம்.. கைகளைப் பிடித்துக் கொண்டு இந்து பிரமுகருக்கு நேர்ந்த கொடூரம்.. 7 ஆண்டுகளுக்குப் பின் குற்றவாளிகளுக்கு கிடைத்த மரண அடி.. நீதிமன்றம் கொடுத்த அதிரடி தீர்ப்பு..!!

கர்நாடக ,அந்நிலத்தில் கடந்த 2019-ஆம் ஆண்டு இந்து ஜாகரண வேதிகே அமைப்பின் தாலுகா பொதுச்செயலாளரான கார்த்திக் சுவர்ணா மெர்லா (27) படுகொலை செய்யப்பட்ட வழக்கில், குற்றவாளிகள் இருவருக்குப் புத்தூரில் உள்ள 5-வது கூடுதல் மாவட்ட மற்றும் அமர்வு நீதிமன்றம் ஆயுள் தண்டனை விதித்து நேற்று தீர்ப்பளித்துள்ளது. நீதிபதி சதானந்த நாகப்பா நாயக் வழங்கிய இந்தத் தீர்ப்பில், உல்லாலைச் சேர்ந்த பிரிதேஷ் ஷெட்டி மற்றும் சம்பியா காவல் நிலையம் பின்புறம் வசிக்கும் கிரண் ராய் ஆகிய இருவருக்கு ஆயுள் தண்டனையுடன் தலா ரூ.3 லட்சம் அபராதமும் விதிக்கப்பட்டுள்ளது. இந்த அபராதத் தொகையிலிருந்து ரூ.5.90 லட்சம் தொகையைக் கார்த்திக்கின் தாயார் ஹேமாவதிக்கு இழப்பீடாக வழங்க நீதிமன்றம் உத்தரவிட்டுள்ளது. அதே வேளையில், இந்த வழக்கில் குற்றம் சாட்டப்பட்டிருந்த ஸ்டீவன் மாந்தேரோ என்பவருக்கு எதிரான குற்றச்சாட்டுகள் நிரூபிக்கப்படாததால் அவர் விடுவிக்கப்பட்டார். மேலும், இவ்வழக்கின் மற்றொரு குற்றவாளியும், கிரண் ராயின் சகோதரருமான சரண் ராஜ் ராய் என்பவர் ஜாமீனில் இருந்தபோது கடந்த 2022-ஆம் ஆண்டில் படுகொலை செய்யப்பட்டது குறிப்பிடத்தக்கது.

கடந்த 2019 செப்டம்பர் 3 அன்று இரவு, சம்பியா காவல் நிலையத்திற்கு முன்பாக அமைக்கப்பட்டிருந்த கணேஷ் திருவிழா பந்தலில் யக்ஷகான நிகழ்ச்சி நடந்துகொண்டிருந்தபோது இக்கொலை நிகழ்ந்தது. 2018-ஆம் ஆண்டு நடந்த ஒரு நிதிப் பரிவர்த்தனை தொடர்பான முன்விரோதம் காரணமாக, கார்த்திக்குடன் ஏற்பட்ட வாக்குவாதத்தின் போது, சரண் ராஜ் மற்றும் கிரண் ராய் ஆகிய இருவரும் கார்த்திக்கின் கைகளைப் பிடித்துக்கொள்ள, பிரிதேஷ் ஷெட்டி கூர்மையான ஆயுதத்தால் அவரது நெஞ்சில் குத்தியதாக அரசுத் தரப்பு நிரூபித்துள்ளது. மருத்துவமனைக்குக் கொண்டு செல்லும் வழியிலேயே கார்த்திக் உயிரிழந்தார். இந்த வழக்கை விசாரித்த போலீசாரின் குற்றப்பத்திரிகை மற்றும் சாட்சியங்களை ஆராய்ந்த நீதிமன்றம், தற்போது இருவருக்கு ஆயுள் தண்டனை வழங்கி இந்த நீண்டகாலக் குற்றவியல் விசாரணைக்கு முக்கியத் தீர்ப்பை வழங்கியுள்ளது.