ஐயோ… திருமணமான சில நாட்களிலேயே நடந்த கொடுமை..! ஹைதராபாத்தில் இளம் பெண் மருத்துவருக்கு நேர்ந்த கோர முடிவு… பின்னணியில் வெளிவரும் திடுக்கிடும் தகவல்கள்..!!

ஹைதராபாத் குஷாயிகுடா காவல் எல்லைக்குட்பட்ட வைஷ்ணவி என்கிளேவ் பகுதியில் உள்ள வாடகை வீட்டில், பெண் மருத்துவர் ஒருவர் தூக்கில் தொங்கிய நிலையில் சடலமாக மீட்கப்பட்டுள்ளார். உயிரிழந்தவர் 28 வயதான காகீர்த்தி என அடையாளம் காணப்பட்டுள்ளார். திருப்பதியைச் சேர்ந்த இவர், ஹைதராபாத் குஷாயிகுடாவில் உள்ள ஒரு தனியார் மருத்துவமனையில் மருத்துவராகப் பணியாற்றி வந்தார். சமீபத்தில்தான் இவருக்கு ராகவ் என்பவருடன் திருமணம் நடந்து முடிந்துள்ளது.

காகீர்த்தியின் வீட்டில் சந்தேகத்திற்குரிய சூழல் நிலவுவது குறித்து உறவினர்களுக்குத் தகவல் கிடைத்தது. இதையடுத்து அவர்கள் உடனடியாகக் காவல்துறையினருக்குத் தகவல் அளித்தனர். சம்பவ இடத்திற்கு விரைந்து வந்த குஷாயிகுடா காவல்துறையினர், வீட்டைச் சோதனையிட்டு உடலைக் கைப்பற்றினர். பின்னர், பிரேதப் பரிசோதனைக்காக உடலைக் காந்தி மருத்துவமனைக்கு அனுப்பி வைத்தனர்.

இச்சம்பவம் குறித்து வழக்குப்பதிவு செய்துள்ள காவல்துறையினர் தீவிர விசாரணை மேற்கொண்டு வருகின்றனர். சம்பவ இடத்தில் கிடைத்த ஆதாரங்கள் சேகரிக்கப்பட்டு, குடும்பத்தினரிடமும் உறவினர்களிடமும் வாக்குமூலங்கள் பெறப்பட்டு வருகின்றன. காகீர்த்தி தற்கொலை செய்து கொண்டாரா அல்லது அவரது இறப்பிற்குப் பின் வேறு ஏதேனும் காரணங்கள் உள்ளதா என்ற கோணத்தில் விசாரிக்கப்பட்டு வருகிறது. பிரேதப் பரிசோதனை அறிக்கை வந்த பிறகே உயிரிழப்பிற்கான உண்மையான காரணம் தெரியவரும் எனப் போலிஸார் தெரிவித்துள்ளனர்.