CRIME
“ஐயோ கடவுளே.. தண்டவாளத்தில் வந்த எமன்…” கேட்காத காதுகளால் 13 வயது மாற்றுத்திறனாளி சிறுவனுக்கு நேர்ந்த கொடூரம்.. பகீர் பின்னணி..!!
திருத்தணி அருகே உள்ள மாத்தூர் காலனியைச் சேர்ந்த 13 வயது காது கேளாத மற்றும் வாய் பேச முடியாத மாற்று திறனாளி சிறுவன், தனது வீட்டின் அருகே தண்டவாளத்தைக் கடக்க முயன்றபோது ரயிலில் அடிபட்டு பரிதாபமாக உயிரிழந்தான். அரசு கட்டிக் கொடுத்த தங்களது வீட்டில் கழிவறை வசதி இல்லாததால், அந்தச் சிறுவன் இயற்கை உபாதையைக் கழிப்பதற்காக வீட்டை விட்டு வெளியே சென்று தண்டவாளப் பகுதியை நோக்கி நடந்தபோது இந்தச் சோகச் சம்பவம் நேரிட்டுள்ளது.
தங்கள் வீட்டில் கழிவறை கட்டித் தரக் கோரி அதிகாரிகளிடம் பலமுறை மனு அளித்தும் எந்தவித நடவடிக்கையும் எடுக்கப்படவில்லை என்று சிறுவனின் குடும்பத்தினர் குற்றம் சாட்டியுள்ளனர். அடிப்படைத் துப்புரவு மற்றும் கழிவறை வசதி இல்லாத காரணத்தால் ஒரு இளம் மாற்றுத்திறனாளி சிறுவன் ரயிலில் அடிபட்டு உயிரிழந்த இந்தச் சம்பவம், அப்பகுதியில் அடிப்படை உள்கட்டமைப்பு மற்றும் சுகாதார வசதிகளின் அவசியத்தை மீண்டும் பெரிய அளவில் கேள்விக்குறியாக்கியுள்ளது.
