பாகுபலி ரேஞ்சுக்கு நிஜ வாழ்க்கையிலும் மிரட்டும் பிரபாஸ்…!பான்-இந்தியா ஸ்டாரின் பவர்ஃபுல் ஆட்டம்.. ஹைதராபாத்தையே திரும்பிப் பார்க்க வைத்த பிரபாஸின் புதிய இல்லம் …!ஹைதராபாத்தில் 2 ஏக்கரில் ₹160 கோடியில் பங்களா கட்டும் பிரபாஸ்…!!

இயக்குநர் எஸ்.எஸ்.ராஜமௌலியின் ‘பாகுபலி’ திரைப்படத்திற்குப் பிறகு, நடிகர் பிரபாஸ் இந்திய அளவில் கொண்டாடப்படும் முன்னணி ‘பான்-இந்தியா’ சூப்பர் ஸ்டாராக உருவெடுத்துள்ளார். அதன்பின்னர் அவர் நடிக்கும் அனைத்துத் திரைப்படங்களும் பல நூறு கோடி பட்ஜெட்டில், அகில இந்திய ரசிகர்களைக் குறிவைத்தே பிரம்மாண்டமாகத் தயாரிக்கப்பட்டு வருகின்றன. இருப்பினும், இந்த ஆண்டில் பிரபாஸ் நடிப்பில் வெளியான ‘தி ராஜா சாப்’ திரைப்படம் எதிர்பார்த்த அளவிற்குப் பெரிய வரவேற்பைப் பெறவில்லை.

இந்தச் சூழலில், வசூலில் சாதனை படைத்த கல்கி திரைப்படத்தின் அடுத்த பாகமான ‘கல்கி 2898 ஏடி: பார்ட் 2’ (Kalki 2898 AD: Part 2) மற்றும் இயக்குநர் சந்தீப் ரெட்டி வங்கா இயக்கத்தில் உருவாகும் ‘ஸ்பிரிட்’ (Spirit) போன்ற மெகா பட்ஜெட் படங்களில் பிரபாஸ் தற்போது தீவிரமாக நடித்து வருகிறார்.திரைப்படங்கள் மட்டுமின்றி தனது நிஜ வாழ்க்கையிலும் பிரம்மாண்டத்தை விரும்பும் பிரபாஸ், தற்போது ஹைதராபாத் நகரில் சுமார் 2 ஏக்கர் பரப்பளவில் ஒரு புதிய சொகுசு வீட்டைக் கட்டி வருகிறார்.

அதிநவீன வசதிகளுடன் கட்டப்பட்டு வரும் இந்த வீட்டின் கட்டுமான மதிப்பு மட்டுமே சுமார் 160 கோடி ரூபாய் என்று சினிமா வட்டாரங்கள் தெரிவிக்கின்றன. இந்த வீட்டிற்குள் பிரம்மாண்ட நீச்சல் குளம், அதிநவீன ஹோம் தியேட்டர், உலகத் தரத்திலான உடற்பயிற்சி கூடம் (Gym) எனப் பல சொகுசு அம்சங்கள் இடம்பெறவுள்ளன. தற்போது பிரபாஸ் கட்டி வரும் இந்த புதிய சொகுசு அரண்மனையின் புகைப்படங்கள் இணையத்தில் வெளியாகி, சமூக வலைத்தளங்களில் ரசிகர்களால் பயங்கரமாக வைரலாக்கப்பட்டு வருகிறது.