CINEMA
“பேசக்கூட முடியல…” அனிருத் பட பாடகரின் பரிதாப நிலை… கண்ணீர் விட்ட KPY பாலா… வைரலாகும் வீடியோ…!!
அனிருத் மற்றும் ஹாரிஸ் ஜெயராஜ் ஆகியோரின் இசையில் ‘மீசை பியூட்டி’, ‘நங்கை’ போன்ற சூப்பர் ஹிட் பாடல்களைப் பாடிய பிரபல பாடகர் ரிச்சர்ட் ஆலிசன் நாதன், தற்போது பக்கவாத நோயால் பாதிக்கப்பட்டு மிகவும் கவலைக்கிடமான நிலையில் உள்ளார். ஒரு கை செயலிழந்த நிலையில், பேசக்கூட முடியாத நிலைக்குத் தள்ளப்பட்டுள்ள அவரது தற்போதைய சூழல் குறித்துப் பலருக்கும் தெரியாமல் இருந்தது. இந்தத் துயரச் செய்தியை அறிந்த சமூக ஆர்வலரும் நடிகருமான கேபிஒய் பாலா, உடனடியாக ரிச்சர்டின் இல்லத்திற்குச் சென்று அவரது நிலையைப் பார்த்து நேரில் ஆறுதல் கூறினார்.
ரிச்சர்டின் மருத்துவச் செலவுகளுக்காக முதற்கட்டமாக ரூ. 50,000 பண உதவி செய்த பாலா, அவர் விரைவில் குணமடையத் தேவையான அனைத்து மேல் சிகிச்சைகளுக்கும் உறுதுணையாக இருப்பேன் என உறுதி அளித்துள்ளார். இது தொடர்பான வீடியோ சமூக வலைதளங்களில் வெளியாகித் திரைத்துறையினரிடையே பெரும் அதிர்வலைகளை ஏற்படுத்தியுள்ளது. திறமையான ஒரு கலைஞர் இவ்வளவு மோசமான உடல்நிலை பாதிப்பில் இருப்பதை அறிந்து ரசிகர்கள் வேதனை தெரிவிப்பதோடு, பாலா செய்த இந்த மனிதாபிமான செயலுக்குப் பாராட்டுகள் குவிந்து வருகின்றன.
View this post on Instagram
