“நள்ளிரவில் நடந்த பயங்கரம்…” ஆற்றின் மறுபுறம் காத்திருந்த மரணம்.. விருந்துக்குச் சென்ற 13 சிறுவர்களுக்கு நேர்ந்த விபரீதம்.. நெஞ்சை உலுக்கும் சோக சம்பவம்..!!

பீகார் மாநிலம் வைஷாலி மாவட்டத்தில் கங்கை ஆற்றில் பயணிகளை ஏற்றிச் சென்ற படகு கவிழ்ந்த விபத்தில், 15 வயதுக்குட்பட்ட குறைந்தது 13 குழந்தைகள் நீரில் மூழ்கி பரிதாபமாக உயிரிழந்தனர். மாவட்ட தலைமையகத்தில் இருந்து சுமார் 70 கிலோமீட்டர் தொலைவில் உள்ள ரகோபூர் காவல் நிலைய எல்லைக்கு உட்பட்ட பகுதியில் இரவு 8.30 மணியளவில் இந்த சோகச் சம்பவம் நிகழ்ந்துள்ளது. ராம்பூர் ஷியாம்சந்த் கிராமத்தைச் சேர்ந்த மக்கள், ஆற்றின் மறுபுறம் உள்ள ஒரு கிராமத்தில் நடைபெற்ற விருந்து நிகழ்ச்சியில் கலந்துகொள்வதற்காகச் சென்றபோது இந்த விபத்து நேரிட்டதாக அதிகாரிகள் தெரிவித்துள்ளனர்.

விபத்துக்குள்ளான அந்தப் படகில் 15 முதல் 20 பேர் வரை பயணம் செய்ததாகவும், அவர்களில் பெரும்பாலானோர் குழந்தைகள் என்றும் மாவட்ட ஆட்சியர் வர்ஷா சிங் தெரிவித்துள்ளார். படகில் இருந்தவர்களின் துல்லியமான எண்ணிக்கை இன்னும் அதிகாரப்பூர்வமாகத் தெரியவில்லை. எனினும், ஆற்றில் மூழ்கியவர்களில் இதுவரை 13 பேரின் உடல்கள் மீட்கப்பட்டுள்ளதாகவும், உயிரிழந்தவர்கள் அனைவரும் 15 வயதுக்குட்பட்ட சிறுவர்கள் என்றும் ஆட்சியர் செய்தியாளர்களிடம் உறுதிப்படுத்தியுள்ளார்.

தற்போது விபத்து நடந்த பகுதியில் மீட்புப் பணிகள் தீவிரமாக நடைபெற்று வருகின்றன. உள்ளூர் நீச்சல் வீரர்கள் மற்றும் மாநில பேரிடர் மீட்புப் படையினர் இணைந்து ஆற்றில் மூழ்கியவர்களைத் தேடும் பணியில் ஈடுபட்டுள்ளனர். இந்த மீட்பு நடவடிக்கையின் மூலம் இதுவரை ஏழு குழந்தைகள் உயிருடன் மீட்கப்பட்டு, சிகிச்சைக்காக பாட்னாவில் உள்ள என்.எம்.சி.எச் மருத்துவமனையில் அனுமதிக்கப்பட்டுள்ளனர்; அவர்களின் உடல்நிலை தற்போது சீராக உள்ளதாக மருத்துவர்கள் தெரிவித்துள்ளனர்.