BREAKING: புதிய மத்திய கல்வி அமைச்சராக பிரகலாத் ஜோஷி நியமனம்..!!

மத்திய கல்வித்துறை அமைச்சராகப் பதவி வகித்து வந்த தர்மேந்திர பிரதான் தனது பொறுப்பில் இருந்து ராஜினாமா செய்துள்ளார். அதனைத் தொடர்ந்து, காலியாக உள்ள கல்வித்துறையானது மத்திய அமைச்சர் பிரகலாத் ஜோஷிக்கு கூடுதலாக ஒதுக்கப்பட்டுள்ளது. இவர் ஏற்கனவே நுகர்வோர் விவகாரங்கள், உணவு மற்றும் பொது விநியோகத் துறையின் அமைச்சராகப் பணியாற்றி வருகிறார் என்பது குறிப்பிடத்தக்கது.

கர்நாடகா மாநிலத்தின் தார்வாட் மக்களவைத் தொகுதியில் இருந்து நாடாளுமன்ற உறுப்பினராகத் தேர்ந்தெடுக்கப்பட்ட பிரகலாத் ஜோஷி, தற்போது தனக்கு அளிக்கப்பட்ட புதிய பொறுப்பின் மூலம் மத்திய கல்வித்துறையின் நிர்வாகத்தையும் கூடுதலாகக் கவனிக்கவுள்ளார்.