LATEST NEWS
நீட் போராட்டத்தில் ‘ஜனநாயகன்’ பாட்டு…? திசைமாறும் மாணவர்கள் போராட்டம்… தவெக vs திமுக என அரசியல் மோதலால் பரபரப்பு..!!
நாடு முழுவதும் நீட் தேர்வு முறைகேடுகளுக்கு எதிரான மாணவர் போராட்டங்கள், தமிழகத்தில் தவெக மற்றும் திமுக இடையேயான அரசியல் மோதலாக மாறியுள்ளன. விஜய் நடித்துள்ள ‘ஜனநாயகன்’ திரைப்படப் பாடல்களும், தவெக ஆதரவு முழக்கங்களும் மாணவர்களின் போராட்டக் களத்தில் ஒலிக்கத் தொடங்கியதே இந்த அரசியல் பரபரப்புக்கு முக்கியக் காரணமாக அமைந்தது.
சென்னையில் நீட் எதிர்ப்புப் போராட்டத்தின் போது, தவெக ஆதரவுப் பாடல்கள் மற்றும் முழக்கங்களை சிலர் ஒலிப்பரப்பியதால் திமுக ஆதரவு மாணவ அமைப்பினருடன் கடும் வாக்குவாதம் ஏற்பட்டு, அது கைகலப்பாக மாறியது. இதனால் சென்னை காவல்துறை கல்லூரி வளாகத்தினுள் நுழைந்து மாணவர்களைக் கைது செய்து அப்புறப்படுத்தியது.
கல்வி நிலையங்களுக்குள் காவல்துறையை அனுப்பிய விவகாரத்தில், தவெக அரசின் அடக்குமுறையைக் கண்டித்து திமுக தலைவர்கள் குரல் கொடுத்துள்ளனர். இதற்குப் பதிலளித்த தவெக அமைச்சர்கள், நீட் எதிர்ப்பை அரசியல் ஆதாயத்திற்குப் பயன்படுத்துபவர்கள் மீது மட்டுமே நடவடிக்கை எடுக்கப்பட்டுள்ளதாக விளக்கம் அளித்துள்ளனர். இந்தத் தற்போதைய அரசியல் சூழல் மாணவர்கள் மற்றும் பெற்றோர்களிடையே கவலையை ஏற்படுத்தியுள்ளது.
