காங்கிரஸ், விசிக-வை தொடர்ந்து அடுத்த விக்கெட்…! திமுக கூட்டணியில் இருந்து விலகிய மதிமுக…. சற்று முன் அதிகாரப்பூர்வ அறிவிப்பு…!!

சமீபத்தில் நடந்த சட்டமன்றத் தேர்தலுக்குப் பிறகு, தமிழக அரசியல் களத்தில் மிக முக்கிய திருப்பமாக மதிமுக கட்சி திமுக கூட்டணியில் இருந்து அதிகாரப்பூர்வமாக விலகியுள்ளது. கடந்த பொதுத் தேர்தலில் திமுகவின் வற்புறுத்தலால் ‘உதயசூரியன்’ சின்னத்தில் போட்டியிட வேண்டிய கட்டாயம் ஏற்பட்டதாகவும், இதனால் தங்களின் சுயமரியாதை மற்றும் தன்மானத்திற்குப் பெரும் பாதிப்பு ஏற்பட்டதாகவும் மதிமுகவின் முதன்மைச் செயலாளர் துரை வைகோ மற்றும் அக்கட்சியின் தலைவர் வைகோ ஆகியோர் ஏற்கனவே பொதுவெளியில் தங்களது கடுமையான அதிருப்தியைப் பதிவு செய்திருந்தனர்.

காங்கிரஸ், விடுதலைச் சிறுத்தைகள் மற்றும் இடதுசாரி கட்சிகள் ஏற்கனவே திமுக உறவைத் துண்டித்துக் கொண்டு புதிய ஆளுங்கட்சியான தவெக பக்கம் நகர்ந்த சூழலில், தற்போது மதிமுகவும் இந்த அதிரடி முடிவை எடுத்துள்ளது. இந்நிலையில், அடுத்தகட்ட அரசியல் நகர்வுகள் மற்றும் தவெகவிற்கு ஆதரவளிப்பது குறித்து இறுதி முடிவெடுக்க வைகோ தலைமையில் கட்சியின் உயர்மட்டக் குழு மற்றும் பொதுக்குழுக் கூட்டங்கள் அவசரமாகக் கூட்டப்பட்டன.

ஆனால், திமுகவுடனான இந்த உறவு முறிவை விரும்பாத மதிமுகவின் இரண்டு சட்டமன்ற உறுப்பினர்கள் கட்சியின் முக்கிய ஆலோசனைக் கூட்டங்களைப் புறக்கணித்ததுடன், அவர்கள் விரைவில் ஆளுங்கட்சியான திமுகவிலேயே தங்களை இணைத்துக் கொள்ளப் போவதாகவும் நம்பத்தகுந்த வட்டாரங்கள் தெரிவிக்கின்றன. தங்களின் சொந்தக் கட்சி எம்.எல்.ஏ.க்களே தலைமைக்கு எதிராகக் கலகக் கொடி தூக்கியுள்ள நிலையிலும், திமுகவின் அரசியல் பிடியிலிருந்து விடுபட்டுத் தனித்துச் செயல்பட வைகோ இந்த இறுதி முடிவை மேற்கொண்டுள்ளார்.