“என்னை விட ஏழை யார் இருக்கா..?” நள்ளிரவு 3 மணிக்கு கஸ்டமர் செய்த அந்த காரியம்.. டெலிவரி பாயின் ஒற்றை வார்த்தையில் உறைந்து போன நெட்டிசன்கள்..!!

நள்ளிரவு 3 மணிக்கு வந்த ஒரு உணவு ஆர்டரை எடுப்பதற்காக உணவகத்திற்கு விரைந்து சென்று, உணவைப் பெற்றுக்கொண்டு வாடிக்கையாளரின் முகவரிக்குச் சென்ற டெலிவரி பாய் ஒருவரின் நெகிழ்ச்சியான கதை சமூக வலைத்தளங்களில் வைரலாகி வருகிறது. அந்த முகவரியை அடைந்ததும் அவர் வாடிக்கையாளரைத் தொடர்ந்து அலைபேசியில் அழைத்துள்ளார், ஆனால் வாடிக்கையாளர் போனை எடுக்கவில்லை. சுமார் 30 நிமிடங்கள் நடுரோட்டில் காத்திருந்தும் பலன் இல்லாததால் அந்த ஆர்டர் ரத்து செய்யப்பட்டது. நிறுவனத்தின் விதிமுறைப்படி, இப்படி ரத்தாகும் உணவுகளைத் தேவையில் உள்ள ஏழைகளுக்குத் தானமாக வழங்க வேண்டும். ஆனால், அந்த டெலிவரி பாய் புன்னகையுடன், “நான் பணக்காரனாக இருந்திருந்தால் நள்ளிரவு 3 மணிக்கு மற்றவர்களுக்கு உணவு டெலிவரி செய்ய வீட்டை விட்டு வெளியே வந்திருக்க மாட்டேன்… என்னை விட அதிகத் தேவையில் இருப்பவர் வேறு யார் இருக்க முடியும்?” என்று கூறியுள்ளார்.

அவரது இந்த வார்த்தைகள் வெறும் பதில் மட்டுமல்ல, நம்முடைய வசதிக்காகத் தங்களின் தூக்கம், ஓய்வு மற்றும் குடும்ப நேரத்தைத் தியாகம் செய்யும் லட்சக்கணக்கான உழைப்பாளிகளின் நிஜ வாழ்க்கையைப் பிரதிபலிக்கிறது. நாம் உணவு ஆர்டர் செய்த பிறகு, அலைபேசி அழைப்புகளைச் சரியாக எடுப்பது மிகவும் அவசியமாகும். நாம் செய்யும் அந்த ஒரு சிறிய பொறுப்பான செயல், விடிய விடிய உழைக்கும் ஒரு ஏழைத் தொழிலாளியின் ஒட்டுமொத்த இரவையும், மன உளைச்சலையும் நேர்மறையாக மாற்றக்கூடும் என்பதை இந்தச் சம்பவம் உணர்த்துகிறது.