LATEST NEWS
“அங்கு உங்க மாப்பிள்ளையோ, பவர் புரோக்கரோ சுத்தல” ஸ்டாலின் மருமகன் சபரீசனை சீண்டிய அமைச்சர் CTR..? அந்த சைகையால் வெடித்த மோதல்..!!
மதுராந்தகம் மற்றும் தாராபுரம் சட்டமன்ற இடைத்தேர்தல்களில்தமிழக வெற்றி கழகம் வெற்றி பெற்றதைத் தொடர்ந்து, தமிழ்நாடு முதலமைச்சர் சி. ஜோசப் விஜய் மற்றும் அமைச்சர்கள் சென்னை தலைமைச் செயலகத்தில் சைகை காட்டி தங்களின் வெற்றியை உற்சாகமாகக் கொண்டாடினர். அரசு அலுவலகமான தலைமைச் செயலகத்திற்குள் அரசியல் கட்சி தேர்தல் வெற்றியை இவ்வாறு கொண்டாடியது தவறான முன்னுதாரணம் என்று எதிர்க்கட்சிகள் உட்பட பல தரப்பினரும் இதற்கு கடுமையான விமர்சனங்களை முன்வைத்தனர்.
இந்த விமர்சனங்களுக்குப் பதிலடி கொடுக்கும் வகையில் பேசிய தவெக அமைச்சரவையின் மின்சாரத்துறை அமைச்சர் சி. டி. ஆர். நிர்மல் குமார் , அந்த அறைக்குள் மக்கள் பிரதிநிதிகளான அமைச்சர்கள் மட்டுமே இருந்ததாகவும், அங்கு எந்தவித விதிமீறலும் நடக்கவில்லை என்றும் திட்டவட்டமாகக் கூறினார். மேலும், “அங்கு யாருடைய மாப்பிள்ளையோ அல்லது மகனின் நண்பரான ரத்திஷ் போன்ற பவர் புரோக்கர்களோ உள்ளே சுற்றித் திரியவில்லை” என கடந்த திமுக ஆட்சியை மறைமுகமாகச் சாடினார். மக்களின் நலனுக்காக உழைக்கும் அமைச்சர்கள் தங்களின் முதலமைச்சருக்கு வாழ்த்து கூறுவதில் எந்தத் தவறும் இல்லை என்றும் அவர் வாதிட்டார்.
அமைச்சர் சி.டி.ஆர். நிர்மல் குமார் தனது பேச்சில் குறிப்பிட்ட ‘மாப்பிள்ளை’ என்ற வார்த்தை, திமுகவினர் அன்போடு அழைக்கும் முன்னாள் முதல்வர் மு.க. ஸ்டாலினின் மருமகன் சபரீசனைக் குறிப்பதாக அரசியல் வட்டாரத்தில் பார்க்கப்படுகிறது. கடந்த ஆட்சிக்காலத்தில் அதிகார மையமாகச் செயல்பட்டதாகக் கூறப்படும் நபர்களை ஒப்பிட்டு, தற்போதைய விஜய் தலைமையிலான அரசு வெளிப்படைத்தன்மையுடன் தூய்மையான ஆட்சியை நடத்தி வருவதை நிரூபிக்கவே அமைச்சர் இவ்வாறு காரசாரமாகப் பதிலடி கொடுத்துள்ளார் என்பது குறிப்பிடத்தக்கது.
