“கர்ப்பப்பைக்குள் வைத்த ‘காப்பர் டி’ நுரையீரலுக்குச் சென்றுவிட்டதா..?” பயந்துபோய் ஓடிய பெண்.. கப்பேறு மருத்துவர் கொடுத்த பகீர் விளக்கம்..!!

செப்பு கருத்தடை சாதனம் நுரையீரலுக்குள் சென்றுவிட்டது என்ற வதந்தியால் தம்பதியினர் பதறியடித்தபடி மருத்துவமனைக்கு வந்த நிலையில், காப்பர் டி ஒருபோதும் நுரையீரலுக்குள் செல்லாது என்று மருத்துவர் தெளிவுபடுத்தியுள்ளார். கடுமையான வயிற்று வலியால் அவதிப்பட்ட அந்தப் பெண்ணை மகப்பேறு மருத்துவர் தனியாக அழைத்து விரிவாகப் பரிசோதித்தார். பின்னர், அவரது கணவரை உள்ளே அழைத்து, இந்தச் சாதனம் உடலின் மேல் பகுதிக்கு அல்லது நுரையீரலுக்குள் இடம்பெயர வாய்ப்பே இல்லை என்றும், சில சமயங்களில் இது கருப்பைக்குள்ளேயே சற்று மேல்நோக்கி நகரக்கூடும் என்றும் விளக்கினார்.

இரண்டு குழந்தைகளுக்கு இடையே போதிய இடைவெளி விடுவதற்குப் பயன்படுத்தப்படும் இந்த ‘காப்பர் டி’, தற்போதைய மருத்துவ உலகில் ஒரு மிகச் சிறந்த மற்றும் பாதுகாப்பான கருத்தடை முறையாகும். எனினும், இதனைப் பொருத்திய பிறகு பெண்கள் முறையான பராமரிப்பை மேற்கொள்ள வேண்டியது அவசியமாகும். குறிப்பாக, ஒவ்வொரு மாதமும் மாதவிடாய் காலம் முடிந்த பிறகு, காப்பர் டி சாதனத்தின் நூல்களைக் (Threads) கைகளால் தொட்டுத் தடவிப் பார்க்க வேண்டும்; சில நேரங்களில் இந்த நூல் முறுக்கிக்கொள்ளவோ, அறுந்துவிடவோ அல்லது கருப்பையின் மேல்நோக்கி நகர்ந்துவிடவோ வாய்ப்புள்ளதால், ஏதேனும் மாற்றம் தெரிந்தால் உடனடியாக மகப்பேறு மருத்துவரை அணுகிப் பரிசோதித்துக் கொள்ள வேண்டும்.