“ஐயோ பாவம்..! ஈகிள்ஸ் – வில்லெம் II போட்டிக்கு முன் விளம்பரப் பலகையில் மோதித் தலைகீழாக விழுந்த சாகச வீரர்..! வீரருக்குப் பதில் பாராசூட் வீரருக்கு அடி… கலாய்த்த வர்ணனையாளர்..!!”

நெதர்லாந்தின் ‘எரெடிவிசி’ கால்பந்து தொடரில், ‘கோ அகெட் ஈகிள்ஸ்’ மற்றும் ‘வில்லெம் II’ அணிகளுக்கு இடையிலான போட்டிக்கு முன்னதாக ஒரு சாகச நிகழ்வு ஏற்பாடு செய்யப்பட்டது. டெவன்டர் நகரில் மீண்டும் கால்பந்து போட்டிகள் தொடங்குவதைக் கொண்டாடும் வகையில், அதிகாரப்பூர்வ போட்டிப் பந்தை மைதானத்திற்குள் கொண்டு வந்து வழங்குவதற்காகக் குழுவாக ஸ்கைடைவிங் சாகசம் நிகழ்த்தத் திட்டமிடப்பட்டது.

திட்டமிட்டபடி பாராசூட் வீரர்கள் மைதானத்தின் மேலிருந்து குதித்து, நடுப்பகுதியில் பாதுகாப்பாகத் தரையிறங்க முயன்றனர். ஆனால், அதில் ஒரு வீரர் தனது வேகத்தைக் கட்டுப்படுத்த முடியாமல் திணறி, மைதானத்தின் ஓரத்தில் வைக்கப்பட்டிருந்த விளம்பரப் பலகையின் மீது நேரடியாக மோதி விபத்துக்குள்ளானார். இதைக் கண்ட வர்ணனையாளர், “இந்த சீசனின் முதல் காயம் ஒரு வீரருக்கு அல்ல, ஒரு பாராசூட் வீரருக்கு ஏற்பட்டுள்ளது” என்று நகைச்சுவையாகக் குறிப்பிட்டார்.

மோதல் பலமாக இருந்தபோதிலும், அந்த பாராசூட் வீரர் அதிர்ஷ்டவசமாகப் பெரிய காயங்கள் இன்றி உடனடியாக எழுந்து நின்று கூட்டத்தைப் பார்த்து கையசைத்தார்; ரசிகர்களும் அவருக்கு ஆரவாரம் செய்தனர். அவர் நலமாக இருப்பதாகவும் தெரிவிக்கப்பட்டது. இந்தச் சம்பவத்தாலும், தொடர்ந்து மற்ற வீரர்கள் தரையிறங்கியதாலும் போட்டி தொடங்குவதில் சிறிய தாமதம் ஏற்பட்டது.