“ஆட்சியின் Mode-ஐப் பேசுங்க.. ஏன் Mood-ஐப் பேசுறீங்க..?” உதயநிதியை ‘வக்கிர புத்தி’ என வெளுத்து வாங்கிய தமிழிசை.. பரபரப்பில் அரசியல் களம்..!!

சென்னையில் செய்தியாளர்களைச் சந்தித்த பாஜக மாநிலத் தலைவர் தமிழிசை சௌந்தரராஜன், எதிர்க்கட்சித் தலைவரான உதயநிதியின் பேச்சை வன்மையாகக் கண்டிப்பதாகத் தெரிவித்துள்ளார். திமுகவினர் இரட்டை அர்த்தத்தில் பேசுவதையே தங்களது பிரச்சாரப் பாணியாக மீண்டும் மீண்டும் நிரூபித்து வருவதாகக் குற்றஞ்சாட்டிய அவர், அரசியலையும் ஆட்சியின் செயல்பாட்டையும் பற்றிப் பேச வேண்டுமே தவிர, தனிப்பட்ட மனிதர்களின் மனநிலை குறித்துப் பேசுவது வக்கிர புத்தியும், மரியாதையற்ற தன்மையுமாகும் என்று சாடியுள்ளார். மேலும், தமிழகத்தில் பெண்களைப் பாதிக்கும் டாஸ்மாக் நிர்வாகத்தை விரிவுபடுத்தி வரும் தவெக அரசு, 717 மதுக்கடைகளை மூடிவிட்டதாகக் கூறிவிட்டு, மற்றொரு புறம் புதிய மதுக்கூடங்களைத் திறந்து கொண்டிருப்பதாகவும் தமிழிசை விமர்சித்துள்ளார்.

தொடர்ந்து பேசிய அவர், ‘SIR’ என்ற ஒன்று மட்டும் இல்லாமல் இருந்திருந்தால் விஜய் முதலமைச்சராகி இருக்க முடியாது என்றும், தவெக அமைச்சர்கள் யாரும் பதவியேற்றிருக்க முடியாது என்றும் சுட்டிக்காட்டினார். ‘SIR’ இல்லாத பட்சத்தில் கள்ள ஓட்டுகளைச் செலுத்தி திமுகவே மீண்டும் வெற்றி பெற்றிருக்கும் என்று குறிப்பிட்ட தமிழிசை, தவெக அமைச்சர்கள் அனைவரும் இந்த தேர்தல் முறைக்குத் தான் முதலில் நன்றி சொல்ல வேண்டும் என்று வலியுறுத்தியுள்ளார். தமிழக அரசியல் வட்டாரத்தில் பெரும் விவாதத்தைக் கிளப்பியுள்ள இந்த அறிக்கை தொடர்பாகப் பல்வேறு தரப்பிலும் அரசியல் ரீதியான எதிர்வினைகள் வரத் தொடங்கியுள்ளன.