10வது மற்றும் ஐடிஐ படித்திருந்தால் போதும்…! மத்திய அரசில் வேலை பார்க்க சூப்பர் சான்ஸ்… விண்ணபிக்க கடைசி தேதி எப்போது…? முழு விவரம் இதோ…!!

மத்திய ரயில்வே அமைச்சகத்தின் கீழ் இயங்கும் ரயில்வே ஆட்சேர்ப்பு வாரியம் (RRB), நாடு முழுவதும் காலியாக உள்ள 6,565 டெக்னீஷியன் பணியிடங்களை நிரப்புவதற்கான புதிய அறிவிப்பை வெளியிட்டுள்ளது. இதில் டெக்னீஷியன் கிரேடு 1 (சிக்னல்) பிரிவில் 323 இடங்களும், டெக்னீஷியன் கிரேடு 3 பிரிவில் 6,242 இடங்களும் ஒதுக்கப்பட்டுள்ளன.

கிரேடு 1 பதவிக்கு பி.எஸ்.சி, பி.இ, பி.டெக் அல்லது 3 ஆண்டு டிப்ளமோ முடித்தவர்களும், கிரேடு 3 பதவிக்கு ஐடிஐ சான்றிதழுடன் பத்தாம் வகுப்பு தேர்ச்சி பெற்றவர்களும் விண்ணப்பிக்கத் தகுதியானவர்கள் ஆவர். இதற்கான விரிவான அதிகாரப்பூர்வ அறிவிப்பு வருகிற ஜூன் 29 அன்று வெளியாக உள்ள நிலையில், தகுதியான நபர்கள் ஜூன் 30 முதல் ஜூலை 29, 2026 வரை ஆன்லைன் மூலமாக விண்ணப்பிக்கலாம்.

வயது வரம்பைப் பொறுத்தவரை கிரேடு 1 பதவிக்கு 18 முதல் 33 வயதிற்குள்ளும், கிரேடு 3 பதவிக்கு 18 முதல் 30 வயதிற்குள்ளும் இருக்க வேண்டும்; மேலும் மத்திய அரசு விதிகளின்படி ஓபிசி பிரிவினருக்கு 3 ஆண்டுகளும், எஸ்சி/எஸ்டி பிரிவினருக்கு 5 ஆண்டுகளும் வயது தளர்வு உண்டு. ஆரம்பக்கட்ட அடிப்படைச் சம்பளமாக கிரேடு 1-க்கு மாதம் ₹29,200 மற்றும் கிரேடு 3-க்கு மாதம் ₹19,900 ஆகியவற்றுடன் மத்திய அரசு ஊழியர்களுக்கான இதர படிகளும் சேர்த்து வழங்கப்படும்.

விண்ணப்பதாரர்கள் கணினி வழி எழுத்துத் தேர்வு (CBT), சான்றிதழ் சரிபார்ப்பு மற்றும் கடுமையான மருத்துவப் பரிசோதனை ஆகிய 3 கட்ட முறைகளின் மூலமாக முற்றிலும் வெளிப்படையாகத் தேர்வு செய்யப்படுவார்கள். ஆர்வம் உள்ளவர்கள் rrbapply.gov.in என்ற இணையதளம் வழியாகக் கடைசி நேர நெரிசலைத் தவிர்க்க முன்கூட்டியே தங்களின் விண்ணப்பங்களைச் சமர்ப்பிக்குமாறு கேட்டுக் கொள்ளப்படுகிறார்கள்.