“சாவுடா மவனே” கோர்ட்டுக்குள்ளேயே கெத்து காட்டிய மனைவி… கணவனை பிளாஸ்டிக் கயிற்றால் கட்டி, வாயில் துணி திணித்து.. ஓடிவந்து வழக்கறிஞர்கள் மீட்ட பரபரப்பு சம்பவம்.. வைரல் வீடியோ.!!

அலகாபாத் உயர் நீதிமன்ற வளாகத்தில் நடைபெற்ற சமரச மையக் கூட்டத்தின் போது, கணவன் ஒருவரை அவரது மனைவி பிளாஸ்டிக் கயிற்றால் கட்டி, வாயில் துணியை வைத்து அடைத்ததாகக் கூறப்படும் சம்பவம் பெரும் பரபரப்பை ஏற்படுத்தியுள்ளது. நீதிமன்றத்திற்குள் இருந்த வழக்கறிஞர்கள் உடனடியாகச் செயல்பட்டு, அந்தப் பிளாஸ்டிக் கட்டுகளை அறுத்து, வாயிலிருந்த துணியை அகற்றி அந்தப் நபரை மீட்டனர். எனினும், கணவனுக்கு இந்தத் துயரத்தை ஏற்படுத்திய அந்த மனைவி மீது அங்கு உடனடியாக எந்தவொரு சட்ட நடவடிக்கையும் எடுக்கப்படவில்லை என்ற குற்றச்சாட்டு முன்வைக்கப்படுகிறது.

இந்தச் சம்பவத்தை அடிப்படையாகக் கொண்டு, பாதுகாப்பு மிகுந்த நீதிமன்ற வளாகத்திற்குள்ளேயே ஒரு கணவனுக்கு இத்தகைய நிலை ஏற்படுகிறது என்றால், மூடிய வீட்டு அறைக்குள் ஆண்கள் எந்த அளவிற்குப் பல்வேறு சித்திரவதைகளையும் மன உளைச்சல்களையும் சந்திக்க நேரிடும் என்ற கவலைகளும் விவாதங்களும் சமூகத்தில் எழுந்துள்ளன. சட்டம் மற்றும் சமூகப் பார்வை பொதுவாகப் பெண்களை மட்டுமே எளியவர்களாகவும், பாதிக்கப்பட்டவர்களாகவும் கருதும் வேளையில், தற்போதைய சூழலில் யதார்த்த நிலைமை முற்றிலும் மாறுபட்டதாக இருக்கிறது என்ற கருத்துக்கள் பரவலாக முன்வைக்கப்படுகின்றன.

இன்றைய காலகட்டத்தில் சில பெண்கள் ஆக்ரோஷமான முறைகேடுகளிலும், குற்றச் செயல்களிலும் ஈடுபடுவது அதிகரித்து வருவதாகவும், சட்டங்களும் சமூகப் பார்வைகளும் பெரும்பாலும் பெண்களுக்குச் சாதகமாகவே சாய்ந்துள்ளதாகவும் பரவலான விமர்சனங்கள் உள்ளன. சட்டத்தின் முன் ஆண்களும் பெண்களும் சமம் என்று கூறப்பட்டாலும், ஆண்களின் பாதுகாப்பிற்கெனத் தனித்துவமான சட்டங்கள் இல்லாததால், குடும்பப் பிரச்சினைகளில் ஆண்கள் தங்களின் தரப்பு நியாயங்களை நிரூபிக்கப் போராட வேண்டியுள்ளது என்றும், இது சட்ட சமநிலைக்கு எதிரான ஒரு முரணான யதார்த்தத்தை உருவாக்குகிறது என்றும் சமூக ஆர்வலர்கள் சுட்டிக்காட்டுகின்றனர்.